"Ҳуррият" газетасининг ёзишича, Малатиядаги Исмат Инўну университети фармацевтика факультети талабаси Фарида Байрам президент Эрдўғаннинг тансоқчилари бошқармасида ишлайдиган 24 яшар Рамазон Ўзчеликни ўлдиришда гумонланиб, ҳибсга оинган. У Истанбул шаҳар Бейликдузи тумани полиция идорасида Террорга қарши кураш бўлими терговчилари тарафидан сўроқ қилинмоқда.

Маълум бўлишича, Ўзчелик ўтган душанба куни соат 14 да Фарида Байрамованинг уйида бошидан отиб ўлдирилган. Тошкентдаги машҳур шифокорлар хонадони аъзоси бўлган Фарида терговда: “Воқеадан бир кун олдин у келиб уйимда ëтиб қолди. ... мен унга қўл телефонимда рус рулеткаси видеосини кўрсатдим. У бўлса, бу ўйин ундай ўйналмайди¸ мана бундай ўйналади, деб тўппончани чап қўлига олиб, пешонасига тиради. Уни тўхтатиб қолишни истадим, аммо кеч бўлган эди. Тўппонча отилди. Кўз ўнгимда ўлди” деб кўрсатма берган.

Терговчиларнинг матбуотга билдиришича, Туркия президенти тан соқчилари қўлидаги мавжуд тўппончада рус рулетини ўйнаш имкони йўқ.