Ҳамма нарса 2000 йили АҚШга келиб, аввал қочқин мақоми, 2007 йилда эса фуқароликни ҳам олган босниялик серб оиласининг атрофидаги жанжалдан бошланибди. Reuters Агентлигининг хабарида айтилишича, эр-хотиннинг ёки ва хотиннинг аризасида эри Босниядаги серблар армиясида хизмат қилгани айтилмаган экан. Маълумки, айнан шу Босниядаги серблар армияси мусулмонларни қатағон қилгани, Сребреница шаҳрида 8 минг мусулмон ўлдирилгани Гаагадаги Халқаро Суд томонидан ҳам тан олинган эди.

Бу ёлғон ўртага чиқиб қолгандан кейин, Огайо штатидаги туман суди 2009 йили оила аъзоларининг АҚШ фуқаролигини бекор қилиш ҳукмини чиқариб, 2016 йилда бу ҳукм штат суди тарафидан ҳам тасдиқлангча, оила Сербияга депортация қилинибди.

Қаранг, ёлғон ўртага чиқибди, аммо иш АҚШнинг Олий Судигача келибди (кимнинг аризаси билан келгани хабарда айтилмайди) ва шу кунларда Олий Суд ўз ҳукмини чиқарибди.

Суднинг ҳукмида қочқин ва кейин фуқаролик олиш учун берилган аризада ёлғон борлиги маълум бўлиб қолса ҳам, бу ёлғон қочқин ва фуқаролик бериш қарорига чалик таъсир кўрсатгани эътиборга олиниши ва ёлғон муҳим роль ўйнамаган бўлса, муҳожирнинг фуқаролиги бекор қилинмаслиги кераклиги айтилибди. Бош судья Джон Робертс
Президент Доналд Трампнинг муҳожирларга салбий муносабати туфайли арзимаган ёлғон учун ҳам муҳожир АҚШ фуқаролигини йўқотиши мумкинлигини урғулабди ва феълан ҳаммани бунга қарши бўлишга чақирибди.

Энг қизиғи, АҚШдаги ҳамма асосий оммавий ахборот воситалари каби Доналд Трамга салбий муносабатда бўлган Reuters Агентлигининг хабарида сербияли оила аъзоларининг АҚШ фуқаролиги тикланган ёки тикланмаганлиги айтилмайди. Тўғридан-тўғри айтилмаган бўлса ҳам, асосий урғу Олий Суд ҳам Доналд Трамп тарафдори эмаслигига берилганга ўхшайди.

Бу хабар ўзбекларни ҳам қизиқтириши муқаррар бўлгани учун уни сайтимиза эълон қилмоқдамиз.

Расмда – АҚШ Олий Судининг Вашингтондаги биноси.