Кеча АҚШ Президенти Доналд Трамп АҚШнинг Флорида штатидаги Кубага энг яқин Майами шаҳрида кубалик муҳожирлар кўп бўлган маҳаллий аҳоли вакиллари билан учрашди ва Барак Обаманинг Куба билан “даҳшатли ва ва хато келишувини” қисман бекор қилишини эълон қилди. У янги имзолган фармонга кўра, америкаликларнинг Кубага бориши янада чекланади, Куба билан турли алоқалар торайтирилади. Аммо, Обаманинг замонида қабул қилинган келишувларнинг катта қисми амалда қолаверади, масалан иккала мамлакатнинг қарши тарафдаги элчихоналари ишлайверади.

“Ҳаракат”нинг аввалги хабарларидан маълумки, “Бирлик” Партияси 2015 йилдаги Андижон воқеалардан кейинги бир қатор расман тарқатилган баёнотларида Ўзбекистон каби диктаторликларни дунёдан изоляция қилиш тўғри йўл эмаслигини, масалан, Куба мисоли ҳам кўрсатиб турганидек, бу йўл яхши самаралар бермаслигини, демак, бундай диктаторликларни демократик ҳамжамият қучоғига олиш фойдалироқ эканлигини айтиб келар эди. “Бирлик” Партияси лидери Абдураҳим Пўлат 2012 йил 2 февралда ўша пайтдаги АҚШ Давлат Котиби Ҳиллари Клинтонга йўллаган мактубида ҳам, Ўзбекистон, Куба, Сирия ва Шимолий Корея каби диктаторликларни дунёдан изолция қилиш фодасиз бўлаётганини алоҳида урғулаган.

Айнан шундан кейин АҚШ Куба билан алоқаларни тиклаш йўлига ўтди ва икки давлат Вашингтон ва Гаванад ўз элчихоналарини очдилар.

Шулардан келиб чиқиб айтиш керакки, Доналд Трампнинг кеча чиқарган фаромони унчалик тўғри эмас. Аммо, муҳим бўлган икки мамлакат ўртасида алоқалар чекланган шаклда бўлса ҳам давом этишидир.

“Бирлик” Партиси ва “Ҳаракат” эса, Ғарбнинг Ўзбекистонга бўлган муносабатлари ҳақида гапиришларида диктаторликни дунёдан изоляция қилиш самарасиз эканлиги, аксинча, бундай диктаторликларни демократик дунёнинг қучоғига олиш фойдалироқ эканлиги ҳақидаги фикрларини Ғарбга тушунтириш стратегиясини давом эттираверадилар.

Расмда – Доналд Трамп Майамидаги учрашувда Куба билан муносабатлар бўйича имзолган фармонини кўрсатмоқда.

Дарвоқе, Абдураҳим Пўлатнинг Ҳиллари Клинтонга ёзган хати “Ҳаракат” Агентлигининг сайтидаги инглизча саҳифада турибди - http://harakat.net/en/news/?id=184