10 June 2017
03:06 - АҚШда ҳамманинг эс-ҳуши қандайдир Жеймс Комейнинг Конгрессдаги алжирашларида, “Ҳаракат” эса Нью-Йорк фондлар биржасига ишонади
АҚШ Президенти тарафидан яқинда ишдан бўшатилган Федерал Терговлар Бюросининг раҳбари, ўша ташкилотга раҳбар бўлган пайтда ўтган йилги сайловларда Россиянинг ролини ўрганиш билан ҳам шуғулланаётган Жеймс Комей (James B. Comey) Конгресснинг қўмиталаридан биридаги тинловларда иштирок этиши, тўғрироғи, тингланишини “Ҳаракат” ҳам хабар қилган эди. Бу тинглов 8 июнда бўлишини ҳам билардик. Кеча ўша тинглов бўлиб ўтди, АҚШнинг энг катта ахборот воситалари кечадан бери шу мавзу атрофида хабар тарқатиш билан оворалар.

АҚШнинг дунёга машҳур оммавий ахборот воситаларидан биронтаси Жеймс Комей 8 июндаги тингловда ўтган йилги сайловларнинг натижаларига Россиянинг таъсири бўлгани ҳақида биронта факт келтирганини тилга олмаяптилар. Чунки, бундай фактнинг ўзи йўқ, бизга кўра, бўлиши ҳам мумкин эмас. Аммо, ҳамма ахборт воситалари Жеймс Комейнинг Доналд Трампга қарши гапирган гапларини такрорлаш билан оворалар. Нимамиш, Доналд Трамп Жеймс Комейни ишдан бўшатмасдан аввал у билан яккама-якка учрашиб, агар у Конгрессдаги тингловларга чақирилса, Россиянинг сайловлардаги ролини айтмасликни ва ўзига содиқ қолишни талаб қилган эмиш.

Қўрқмасдан Президент Доналд Трампни шарманда қилишгача бораётган Жеймс Комей нима учун русларнинг сайловларга таъсирини кўрсатувчи биронта фактни айтмади. Демак, фактнинг ўзи йўқ. АҚШдаги ахборот воситаларининг шу нарсаларни тушунишга ақллари етмайдими?

Конгрессдаги тингловлардан кейин Доналд Трамп Жеймс Комейдан ҳеч нарса талаб қилмагани, Жеймс Комей рост гапиришга қасам ичиб, ёлғон гапираётганини расман очиқлади ва ўз гапларини қасам ичиб такрорлашга ҳозир эканлигини билдирди.

Яъни кўриниб турибдики, АҚШдек давлатнинг Конгресси ва оммавий ахборот воситалари масхаразбозликка кўмилдилар. Шу сабабли, “Ҳаракат” бу ҳақда хабар беришни ҳам лозим топмади.

Ҳозир бу мавзуни тилга олишимизнинг сабаби – бозор иқтисоди билан яшаётган АҚШ давлатининг иқтисодий аҳволини ўзида акс эттирадиган Нью-Йорк фондлар биржасида бўлаётган воқеалардир. Айнан кеча, яъни АҚШ Конгрессида Жеймс Комей аҳмоқона чиқишининг эртаси куни, Нью-Йорк фондлар биржасининг асосий кўрсатгичи бўлган Dow Jones индекси яна осмонга сакраб, янги тарихий рекорд ўрнатди – 21 минг 305. Эслатиб ўтамиз, Dow Jones индекси 3 июнда ҳам 21 минг 225 лик рекорд ўрнатган эди. Мана кеча у рекорд ҳам урилди. Тўғри, кечқурун биржа бекилганда Dow Jones индекси бироз тушиб 21 минг 272 да тўхтади. Аммо, бу рақам ҳам аввалги рекорддан юқори.

Dow Jones индекси АҚШдаги энг катта 30 компания акцияларининг ўртача нархини ўзида акс эттирувчи кўрсатгич эканлигини эсласак, тушунамизки, бу компанияларнинг бойлиги ортди. Бошқа майдароқ компанияларники ҳам. Демак, АҚШ бизнеси қандайдир Жеймс Комей ва АҚШ Конгрессига эмас, Доналд Трампга ишонмоқда.

Демак, “Ҳаракат” яна ҳақ чиқмоқда. Айнан “Ҳаракат” ҳақиқий хабарлар бермоқда.

Жойи келгани учун айтмоқчимизки, АҚШда яшаётган ўзбеклар ўз пулларини банкларда эмас, ФОНДЛАР БОЗОРИНИНГ АКЦИЯЛАРИДА ҲАМ САҚЛАШНИ ЎРГАНИШЛАРИ ЛОЗИМ. Масалан, банкда 10 минг доллар пулингиз бўлса, ўтган ойда ярим доллар атрофида фойда олгансиз. Шу пул фондлар бозорининг акцияларида сақланса, фойда, 200 доллар атрофида бўларди.

Фарқини кўрмоқдамисиз, жаноб америкалик ЎЗБЕКЛАР!!!!
« Олдинги хабар Хабарлар рўйхати Кейинги хабар »