07 June 2017
16:29 - Суннийларнинг шиаларга қарши террори Эронга ҳам етиб келди, сунний-шиа уруши бошланадими?
Бугун ўлимчи-террористлар ва қуролланган гуруҳлар Теҳронда мамалакат парламенти жойлашган бинога ва Оятуллоҳ Ҳомений мақбарсига ҳужум қилиб, камида 12 кишини ўлдирдилар дейилади Reuters Агентлигининнг Эрондаги ярим расмий Tasnim Агентлигига асосланиб ҳозиргина тарқатган хабарда.

Эрон парламенти биносига аёллар кийимини кийиб олган 4 киши кирган, улардан бири бинонинг 4-чи қаватида ўзини-ўзи портлатган, қолган 3 тасини полиция хизматчилари отиб ўлдиришга улгурганлар. 5 соатдан кейин 3 киши Оятуллоҳ Ҳомений мақбарсига ҳужум қилган, улардан биттасигина ўзини-ўзи портлатишга улгурган, иккитасини полиция ушлаб олган.

Кутилганидек, бу террористик актлар учун маъсулиятни ўз бўйнига ИШИД олган. Воқеалар шу йўналишда давом этишини ва охир оқибатда сунний-шиаларнинг катта урушига айланиб кетишини аввалданҳозирданоқ тахмин қилса бўлади. Яманда бундай уруш бошланиб ҳам бўлган. Дунёда ислом терроризми кучайиб бораётганидан хавотирга тушган Ғарб, Россия ва келажакда ислом терроризми албатта етиб борадиган Хитой бундай урушдан манфаатдор эканлиги ҳам ўз-ўзидан маълум. Демак, улар бу жараёнларга мой сепиб, уларни оловлаштиришга интилишлари мумкин.

Аммо, бу йўл билан ислом терроризми устидан ғалаба қозониб бўлмайди. Чунки, сунний-шиа урушида кимнинг қўли баланд келса, айнан ўша тараф Ғарб, Россия ва Хитойга қарши терроризмни кучайтираверади.

Ислом терроризми кучайишининг ва сунний-шиа урушининг олдини олишнинг ягона йўли – “Бирлик” Партияси ва унинг феълан жарчиси бўлган “Ҳаракат” йиллардан бери айтиб келаётганларидек, Ислом дингида фундаментал ислоҳотлар ўтказиш ва, биринчи навбатда, Ислом дини дунёвийлик/секуляризм принципини тан олишига эришишдир.

Теҳрондаги терактлар ҳақидаги хабарларда парламент ва мақбара ичида олинган расмлар ҳам йўқ? Демак, парламент биноси ичида бошқа террористлар бор бўлиши мумкинлигидан қўрқилмоқда. Дарвоқе, ИШИД бинонинг ичида олиганини иддао қилиб тарақатаётган қисқа видеодан ҳеч нарсани тушуниб бўлмайди.
« Олдинги хабар Хабарлар рўйхати Кейинги хабар »