06 June 2017
19:23 - Лондон кўпригида теракт уюштирган ва полиция тарафидан отиб ўлдирган 3 террорист мусулмон бўлиб чиқди
Кечагина тарқатган хабаримизда 3 июнь куни кечқурун Лондон марказидаги машҳур кўприклардан бирида бир микроавтобус йўловчилар устига юргани, кейин ундан чиққан 3 киши қўлларидаги пичоқлар билан атрофдаги одамларга ташланганларини хабар қилар экан, бу воқеа эътиборга ортиқча лойиқ ҳам бўлмаган навбатдаги исломий теракт бўлиб чиқишини башорат қилган эдик. Бугун дунёнинг ахборот воситалари ўша 7 кишининг ўлими, 50 га яқин кишининг ярадор бўлиши ҳамда полиция у 3 террористни отиб ўлдириши билан битган воқеа бўйича олиб борилаётган текширишларнинг илк натижаларини эълон қилдилар.

Маълум бўлишича, уччала таррорист ҳам мусулмон бўлган. Полиция тарқатган расмда ўша уч жиҳодчини кўрмоқдасиз. Ўнгдан биринчи – отаси марокашлик, онаси италиялик бўлган, аммо асосан отаси билан Марокашда яшайдиган, ҳар замонда онасини кўриш учун Италияга қисқа вақтга келиб турадиган Юсуф Загба (Youssef Zaghba), иккинчи – Ҳуррам Шазод Батт (Khuram Shazad Butt) ва Рашид Редоан (Rachid Redouane).

Хабарларда айтилишича, Юсуф Загба 2016 йили Италиянинг шимолияда Бологна шаҳри аэропортида Суриядан келаётган пайтида жиҳодчиларга алоқаси борликда шубҳа билан ушланган, аммо кейин қўйиб юборилган, Англияда яшай бошлагандан кейин Италия хавфсизлик хизмати расмийлари Англиядаги ҳамкасбларига Юсуф Загба ҳақида маълумот ҳам беришган экан.

Битта шу фактнинг ўзиёқ кўрсатмоқдаки, дейди мухбиримиз, бу 3 киши аввалдан жиҳодчилик касалига учраган ва айнан шу касаллик уларни кофирларни ўлдириш жаннатга тезроқ тушишнинг энг яхши йўлидир деган фикрга олиб келган. Шундан ҳам тушуниш мумкинки, Ислом дини ўз ичида фундаментал ислоҳотлар ўтказиб, биринчи навбатда, дунёвийлик/секуляризм принципини қабул қилмагунча, ҳар бир исломчи - потенциал террорист/жиҳодчи бўлиб қолаверади.

Ҳозир Ғарбнинг оммавий ахборот воситалари ислом терроримини тўхтатиш учун нималар қилаётганлари, нималар қилиш кераклиги ҳақида таҳлиллар бериш билан оворалар. Улардан биронтаси, ислом терроризмини тўхтатишнинг ягона йўли Ислом динида ўзгаришлар қилиш кераклиги ҳақида гапираётгани йўқ, қолаверса, улар ҳали бундай нарсаларни тушунмайдилар ҳам.
« Олдинги хабар Хабарлар рўйхати Кейинги хабар »