02 June 2017
22:25 - Кечагина элчи бўлган Алишер Қурман Сенат қўмитаси раиси этиб сайланди, қизиқ, у қачон Сенатор бўлиб олган?

Ўзбекистоннинг Буюк Британия ва Шимолий Ирландия Бирлашган Қироллигидаги фавқулодда ва мухтор элчиси лавозимида ишлаб келган Алишер Қурман Ўзбекистон Олий мажлиси Сенатининг Халқаро Муносабатлар, Ташқи Иқтисодий Алоқалар, Хорижий Инвестициялар ва Туризм Масалалари Қўмитаси раиси этиб сайланди. Ўзбекистон Республикасининг Корея Республикасидаги фавқулодда ва мухтор элчиси бўлиб келган Ботир Асад унга ўринбосар бўлди.

Мазкур лавозимларга дипломатик хизматчиларнинг тайинланиши хориж билан алоқани кучайтириш, амалда сиёсий ва иқтисодий интеграцияларни ривожлантиришни кўзлайди, деган ва исми айтилмаган сенаторлардан бири бу икки элчи қачон ва қандай қилиб Сенатор бўлиб қолгани ҳақида оғиз ҳам очмайди.

Қизиқ, шунақа Сенат ва унинг шунақа сенаторлари Ўзбекистоннинг халқаро муносабатлари ва ташқи иқтисодий алоқалари соҳасида биронта фойдали иш қила олишларига ўша исми айтилмаган Сенатордан бошқа ишонадиган одам топилармикан? Ёки улар ҳамма нарсани демократиясиз ҳам қилиб бўлишига ишонишармикан? Тўғри, уларни Сенатор қилган ҳам, бу лавозимларга тайинлаган ҳам, Шавкат Мирзиёдир. Демак, улар шу кишига хизмат қилишади. Нима ҳам дердик, эй, бечора ўзбеклар!

Расмда – янги сенаторлар Алишер Қурман ва Ботир Асад.