Ўзбекистон Президенти Шавкат Мирзиё 25 май куни Туркия Бош вазири ўринбосари Туғрул Туркешни қабул қилганини, кечикиб бўлса ҳам, бугун хабар қилган эдик. Маълум бўлишича, айнан ўша куни Ўзбекистон ва Туркия 2 млрд доллардан зиёдроқ қийматдаги лойиҳаларни амалга ошириш тўғрисидаги келишувларни имзолаган эканлар. Бу ҳақда Ўзбекистон Бош вазири ўринбосари Рустам Азимов 25 май куни савдо-иқтисодий ҳамкорлик бўйича Туркия-Ўзбекистон ҳукуматлараро комиссияси тўртинчи йиғилиши ва ўзбек-турк бизнес форуми якунида маълумотлар берибди.

Унинг сўзларига кўра, икки томонлама ҳужжатлар сайёҳлик, тўқимачилик, электротехника, фармацевтика, қурилиш ва банк соҳаларини қамраб олади.

Туғрул Туркеш эса, ўз навбатида, 2016 йилдаа ўзаро товар айирбошлаш ҳажми 1,2 млрд долларни ташкил этиб, уларнинг қарийб 709 млн доллари Ўзбекистоннинг Туркияга экспортига тўғри келишини айтиб, жорийдаги йилда мазкур кўрсаткичнинг 1,4 млрд долларга етказилиши режалаштирилганини урғулаган.

Ҳамкорликнинг бошқа муҳим йўналишларидан бири сифатида туризм соҳаси тилга олинибди. Туркия Иқтисодиёт Вазири Нихат Зейбекчи ўзбек ҳамкасбларидан Туркия фуқаролари учун виза тартибини соддалаштиришни сўраш билан бир қаторда, турк ҳайдовчиларининг Ўзбекистонда эркин ҳаракатланишига рухсат беришни сўраган ва Туркия ҳам ўзбек ҳайдовчилари учун худди шундай шароитларни тақдим этишга тайёр эканлигини айтган.

Жойи келгани учун эслатиш керакки, Ўзбекистонда Ислом Карим раҳбарлигида ҳукмронлик қилган тожиклар режими ўзбек-турк муносабатларининг кенгроқ ривожланишига йўқ қўймаслик мақсадида, 10-15 йилча аввал, Ўзбекистонга келадиган турклар учун визани катта пул эвазига беришга бошлаган эди. Туркия ҳам, алам олиш (турклар буни "мисиллама" дейдилар) ниятида ўзбеклар учун виза нархини қимматлаштирди. Ўша пайтда АҚШда мажбуран яшаётган “Бирлик” Партияси лидери Абдураҳим Пўлат 2007 йилнинг бошларида Туркияга келганда Туркия парламенти ва ҳукуматидагилар билан учрашар экан, Ўзбекистонда ҳукмронлик қилаётган тожиклар режимига мисиллама қилишниннг энг чиройли шакли, Туркияга келаётган ўзбекларга умуман визани текин қилиш эканлигини, ана ўшанда Ислом Карим аламидан ўлишини урғулади. Туркия айнан шу таклифни қабул қилиб, ўзбекларга визани текин қилган эди.

Шавкат Мирзиё Ўзбекистонда тожиклар режимининг ҳукмронлигига чек қўйиш ниятида бўлса, шу йўналишдаги ўзининг биринчи қадамини босиши ва мамлакатимизга келаётган туркларга визани текин қилиши керак, дейди мухбиримиз.