27 May 2017
10:22 - G7 саммитида Африкадаги аҳвол, дунё иқлимида гармония йўқлиги ва ислом терроризми билан кураш масалалари муҳокама қилинди

Кеча Италиянинг Сицилия оролида ўтказилган жаҳоннинг энг кучли 7 давлатини бирлаштирувчи ва G7 деб аталувчи халқаро ташкилотнинг навбатдаги саммити бошланди. Мана ўша давлатлар рўйхати - АҚШ, Хитой, Франция, Буюбритания, Германия, Япония, Канада. Бунлардан ташқари Европа Иттифоқи ҳам G7 нинг аъзоси ҳисобланади. Эслатиб ўтамиз, аввал бу ташкилотга Россия ҳам аъзо бўлиб, уни G8 деб аташар эди. Аммо, Россия Қримни расман, Донбассни феълан босиб олгандан кейин Россияга қарши киритлан санциялар ичида, уни G8 чиқариб ташлаш ва G8 ни G7 га айлантириш бор эди.

G7 саммитининг кун тартибида маслалардан учтасига жаҳон ахюорот воситалари эътибор бермоқдалар.

1. Африкадаги аҳвол. Аслида, Ғарбнинг диққат марказида турган нарса - очлик ва қашшоқлик ичидаги Осиё ва Африка давлатларидаги қашшоқларнинг катта қисми Африканинг шимолидан Ўртаер Денгизи орқали Европага келаётгани ва келаётганлар оқими кўпайиб бораётгани ҳамда бунинг атрофида чиқаётган муаммолар эди. Хабарларда айтилишича, 2014 йилдан бери Европага 1,5 миллион киши қочиб келган. Хабарларда айтилмаса ҳам, G7 лидерлари биладиларки, қочқинларнинг асосий қисми Ислом мамлакатларидан.

2. Дунё иқлимида бўлаётган ўзгаришлар ва уларнинг олдини олиш. Маълумки, дунё иқлими тўтовсиз исиб бормоқда, атмосфереда углерод чиқиндилари ортиб бормоқда. Аммо, АҚШ бу хусусда 2015 йили Париждаги G7 саммитида қабул қилинган қарорни ҳалигача тасдиқлагани йўқ.

3. Терроризм ва экстремизм билан курашиш масаласи. Кечаги саммитда бу масала кўрилар экан, душанба куни Лондонда исломий терактда 22 кишининг ўлдирилиши ва бундан аввал Францияда, Берлинда, Истанбулда ҳамда Санкт-Петербургдаги теракталрга урғу берилганидан тушуниш мумкинки, G7 саммитида гап “исломий терроризм ва экстремизм” ҳақида бўлган. Саммит қатнашчилари исломий терроризм ва экстремизмга қарши курашиш бўйича декларация ҳам имзолашибди.

Бу уччала масала бўйича олинган қарорларнинг тафсилотлари хабарларда йўқ. Тахмин қилиш мумкинки, бу қарорларда пичоққа илинадиган тафсилотларнинг ўзи йўқ, тарафлар бу масалалар бўйича ўз позицияларини аниқлаштириш ва яқинлаштириш устидигина ишлашган.

Яна шуни ҳам эслатиш керакки, Сициялиядаги G7 саммитига келиш йўлида Саудия Арабистонидаги сенсацион “Араб-мусулмон давлатлари + АҚШ” саммитида иштирок этган ва Исроилга келиб, яҳудийларнинг муқаддас ҳисобланадиган жойларида ибодат қилган АҚШ Президенти Доналд Трампнинг ҳали тан олинмаган Филистин давлати Президенти Маҳмуд Аббос билан, сўнгра Ватиканда Рим Папаси билан учрашувлари, ниҳоят унинг иштирокидаги НАТО саммитида пичоққа илинадиган биронта гап бўлгани айтилмаяпти.

G7 саммитида олинган расмда 7 мамлакат раҳбариларини ва икки четда ЕИ Кенгаши ҳамда ЕИ Комиссияси (ҳукумати - “Ҳаракат) раисларини кўрмоқдасиз.