Ўзбекистон ТВ берган хабарга кўра “Араб-мусулмон давлатлари ва АҚШ” cаммити доирасида Ўзбекистон президенти Шавкат Мирзиё АҚШ президенти Дональд Трамп билан учрашган, Дональд Трамп сўнгги пайтларда президент Шавкаат Мирзиё тарафидан олиб борилаётган ислоҳотларни эшитгани ва уни олқишлашини таъкидлаган. Айни пайтда президент Шавкат Мирзиё ҳам АҚШ билан муносабатлар равнақидан умидворлигини билдирган.

Бутун мусулмон дунёсида тарқатилаётган хабарларга кўра, Доналд Трамп ҳамма саммит қатнашчилари билан умумий расмдан ташқари, улар билан яккама-якка расмга ҳам тушган. Табиий, икки оғиз салом-алик ҳам бўлган бўлса керак. Доналд Трамп қандайдир Ўзбекистонга янги президент сайлангани ва янги президент қандайдир ислоҳотлар бошламоқчи эканлиги унинг эсида турганлигига, юмшоқроқ қилиб айтсак, содда одамларгина ишониши мумкин.

Агар ростакам учрашув бўлганда эди, кечаёқ бу ҳақда ЎзА хабар берган бўларди. Ваҳолангки, у ҳалигача бу расмга тушиш бўйича хабар бергани йўқ. Бизнинг кулишимиздан қўрқаётган бўлса керак. Шу каби кулишлар бўлишини истамаган ва ўзини ўзи ҳурмат қиладиган Нурсултон Назарбой Доналд Трамп билан расмиятчилик учун тушган расмини эълон ҳам қилдирмаган эди.