Кеча Саудия Арабистонига келган АҚШ Президенти кечгача саудияликлар билан овора бўлди. Аввалги хабаримиздан маълумки, унинг Саудия Подишоҳи билан учрашуви доирасида мудофаа ишлари билан боғлиқ 109,7 млрд долларлик ва ҳамаси бўлиб 350 млрд долларлик АҚШ-Саудия шартномалари имзоланган.

Маълум бўлишича, Доналд Трампнинг Саудия Подишоҳи тарафидан расман кутиб олиш маросимида Доналд Трамп ўрта асрлар руҳида, ибтидоий шаклда кийиниб олган араблар билан қуролли рақсга тушган. Тўғрисини айтса, АҚШдек давлатнинг Президенти бу ерда оддий махарабозлик маросимида қатнашган.

Бундан ташқари, ўтган йилги президент сайловлари кампанияи даврида “Ислом дунёси бизга душмандек қарайди”, “Мусулмонларнинг АҚШга келишини бутунлай тўхтатиш керак”, “2001 йил 9 сентябрдаги терактлар Саудиянинг ёрдами билан уюштирилган бўлиши мумкин” каби гаплар гапирган Доналд Трамп Саудияга келиб масхарабозларча рақсга тушиши, Саудия билан мудофаа соҳасида ҳамкорлик шартномалари имзолаши ножиддий нарсалардир.

Доналд Трамп бугун эрталаб Форс Кўрфазига чиқувчи араб давлатларининг лидердари билан кўришгани Reuters Агентлиги тарафидан ҳам хабар қилинди (расмда шу учрашувдаги АҚШ Президенти ва Саудия Подишоҳини кўрмоқдасиз), аммо, давлатларнинг номи келтирилмади. Бироқ, маълумки, Форс Кўрфасига Эрондан ташқари 7 араб давлати чиқади - Ироқ, Қувейт, Баҳрейн, Қатар, Саудия Арабистони, Бирлашган Араб Амирликлари ва Оман. Булардан қайси бирининг раҳбари учрашувда қатнашмагани айтилмайди.

Доналд Трамп бу учрашув чоғида 6 араб давлатини ўз ичига олувчи Кўрфаз Давлатлари Ҳамкорлик Ташкилотини НАТО билан биргаликда Эронга қарши туришга чақирибди. Ироқда АҚШ кучи билан яратилган шиалар режими “Эронга қарши туриш” ифодасининг ўзидан ғазабга тушиши муқаррарлигини ҳисобга олиб тахмин қилиш мумкинки, бу учрашувда айнан Ироқ вакили қатнашмаган, балки, бу давлат Кўрфаз Давлатлари Ҳамкорлик Ташкилотига аъзо ҳам эмас.

АҚШ Президенти бугун Миср Президенти Абдул Фаттоҳ ас-Сиси билан учрашгани ҳам қизиқ. Чунки, Абдул Фаттоҳ ас-Сиси Ҳусни Муборак йиқитилгандан кейин сайланган исломчи фанатик, потенциал террорист Муҳаммад Мурсини йиқитиб, демократиядан узоқ бўлган сайловлар натижасида ўзи президент бўлганда, ўша пайтдаги АҚШ ҳукумати, Ислом дунёвийлик/секуляризм принципини қабул қилмагунча Ислом давлатларида демократия бўлолмаслигини тушуниб етган “Бирлик” Партиси ва унинг жарчиси “Ҳаракат”дан фарқли равишда, Абдул Фаттоҳ ас-Сисини жиддий шаклда қоралаган эди. Доналд Трамп эса, Абдул Фаттоҳ ас-Сисиқ қилаётган ишларини маъқуллаб, албатта Мисрга расмий ташриф билан боришини билдирибди. Бу Доналд Трамп тарафидан қилинадиган тўғри қадам бўлади.

Бугун тушдан кейинга “Араб-мусулмон давлатлари + АҚШ” саммити режалаштирилган эди. Ҳозир у бошланган ёки бошланиш арафасида. Баъзибир ахборот воситалари Доналд Трампнинг саммит учун тайёрланган нутқидан иқтибослар келтиришга ҳам улгурдилар.