11 May 2017
19:51 - Кечагина Путинга яхши сигнал берган Доналд Трамп бугун унга шаполоқ урди ва Украина ташқил ишлар вазирини қабул қилди

Супер давлатнинг президенти бошқа бир давлатнинг вазирини қабул қилиши камдан кам бўладиган воқе. Айнан шуни назарда тутиб, ҳамма буюк давлатларнинг раҳбарлари билан учрашаётган АҚШ Президенти Доналд Трамп Россия Президенти Владимир Путин билан учрашувдан қочаётган бўлса ҳам, бир кун аввал кутилмаганда Россия Ташқи Ишлар Вазири Сергей Лавровни Оқ Уйда қабул қилишини Путин учун яхши сигнал деб баҳолаган эдик. Балки, Россия ҳам жаҳоннинг супердавлатларидан бири эканлигини ҳисобга олсак, унинг вазирини АҚШ Президенти қабул қилишини сенсация деб бўлмайди.

Аммо, бугун Доналд Трамп феълан Россия билан уруш ичида бўлган ва супердавлат ҳисобланмайдиган Украинанинг Ташқи Ишлар вазири Павел Калимкинни қабул қилиши Путинга яхшигина шапалоқ бўлгани шубҳасиз.

Павел Калимкинни Доналд Трампдан олдин АҚШ Вице-президенти Майкл Пенс ҳам қабул қилди. Бу икки учрашув ҳақида Оқ Уй тарқатган баёнотда шундай дейилади: “АҚШ Украинанинг суверенитети ва бўлинмас бутунлигини сўзсиз қўллаб қувватлайди. Минск шартномалари тинчлик учун энг тўғри йўлдир”. Маълумки, Минск шартномаларида Донбасс Украинаники эканлиги Россия тарафидан ҳам тан олинган.

Ҳа,нима ҳам дердик, бечора Путинга кечаги яхши сигналдан кейин, бугун яхшигинга шапалоқ ҳам келди.