Буюкбританиянинг собиқ Бош вазири Тони Блэр Daily Mirror газетасига интервью бериб, ўз мамлакатининг Европа Иттифоқидан чиқиш (буни ҳозири Brexit дейишмоқда) қарори туфайли катта сиёсатга қайтишга тайёр эканлигини билдирди. Унинг фикрича, ЕИ билан алоқаларни узиш қарори бу алоқаларнинг ҳақиқий қийматини тушунмасдан олинган. “Халқ Brexit-ни тўла тушунмасдан овоз берди, энди ҳамма нарсани тушунмоқда, халқнинг ўз қарорини ўзгартиришга ҳаққи бор”, дейди у.

Бундан ҳам муҳим бўлгани, унинг қуйидаги сўзларидир: “Сиёсатчилар (бугун) катта энтузиазм билан ишламоқдалар, аммо, мен ўйлайманки, ҳаммамизда дунёда бўлаётган ўзгаришларни тушунишда камчиликлар бор”. Қаранг, у жуда эҳтиёткорлик билан ҳамма сиёсатчиларни бугуннинг реалликларини тўла ва яхши тушунмасликда айбламоқда.

Шу муносабат билан эслатиш керакки, “Бирлик” Партияси лидери Абдураҳим Пўлат 2015 йилнинг бошида ўша пайтдаги АҚШ Президенти Барак Обамага ёзган хатида ислом терроризмининг илдизлари Ислом динининг Қуръонни хато тафсир қилиш натажисида шаклланган тушунчаларида эканлигини айтар экан, ислом терроризмини йўқ қилиш учун Исломни хато тушунчалардан тозлаш, яъни Исломда фундаментал ислоҳотлар ўтказиш кераклигини ҳам урғулаганди ва қуйидаги мутлақо янги фикрни ҳам билдирган эди. Унга кўра, бир маҳаллар бутун дунёни ўйнатган империялар, жумладан, Византия Империясининг бошқарувчилари замон ўтиши билан қаршиларига чиққан янги муаммоларни (ҳозир “чақириқлар”, рус тилида “вызовы”, инглиз тилида “challenges” атамалари ишлатилмоқда – “Ҳаракат”) кўролмай қолдилар. АҚШ ва бутун Европа цивилизацияси ҳам шу кунга тушиши мумкин. Бу куннинг чақириқларида бири, балки асосийси – ислом терроризмидир.

Абдураим Пўлат бу фикрларини ўзбек, рус, турк ва ингиз тилида кўп марталаб такрорламоқда. Тони Блэр уларни биронта жойда ўқидими-ўқимадими, фарқи йўқ. У икки йил кечикиб бўлса ҳам Абдураҳим Пўлатнинг фикрларини такрорламоқда. Ҳеч қандай шубҳа йўқки, бутун дунёнинг сиёсатчилари айнан шу фикрга асосланиб сиёсат олиб боришга, бу куннинг чақириқларига ўз вақтида эътибор беришга мажбур бўладилар.