04 April 2017
08:36 - Туркияда исломий масхарабозлик давом этмоқда: Фатхулла-гуленчиларни озод қилган судьялар ишдан четлатилди, динимиз ўлимга кетмаяптими?
Фатхулла-гуленчилар билан ражаб-эрдўғончилар ўртасида чиққан жанжал ва ўтган йили 15 июлдаги фатхулла-гуленчиларнинг давлат тўнтариши қилишга урунишдан кейин киритилган Фавқулодда Ҳолат доирасида давлат ишларидан, армиядан, суд ва прокуратура органларидан, университетлардан, мактаблардан, оммавий ахборот воситаларидан ўн минглаб, балки юз мингдан ортиқ хизматчилар ФЕТО (туркчаси FETÖ - фатхулла гуленчиларнинг террористик ташкилоти) аъзоси эканликда айбланиб ишдан ҳайдалгани, уларнинг бир қисми устидан жиноий иш очилиб, ҳибсга олингани аввалги хабарларимиздан маълум. Қамалганларнинг баъзиларини суд тарафидан озод қилиниши, ишдан ҳайдалганларнинг бир қисмини ишга тиклаш каби воқеалар ҳам бўлмоқда.

Туркия матбуотининг кечаги хабарларида айтилишча, бундан бир неча кун аввал 21 матбуот ходими озод қилинган экан, аммо улардан 13 нафари дарҳол бошқа жиноий ишлар бўйича, 8 нафари эса прокурорнинг талаби билан қайтадан ҳибсга олинибди. Бундан ҳам қизиғи, аввал ҳибсга олинган фатхулла-гуленчиларни озод қилишда айбланиб ишдан ҳайдалаётган судья ва прокурорларнинг сони шу кунларда яна ошибди ва энди 45 га чиқибди.

Булар ҳаммаси кўрсатмоқдаки, “Ҳаракат” Агентлиги Туркияда бўлаётган воқеаларни шу пайтгача ҳамкор бўлган икки исломий гуруҳ (фатхулла-гуленчилар ва ражаб-эрдўғончилар) ўртасидаги тахт учун кураш деб тўппа-тўғри баҳолаган.

Бизга кўра, агар бу жанжалда фатхулла-гуленчилар ғолиб чиқса, улар ражаб-эрўғончиларни, аввал уларга РЕТО (туркчаси RETÖ - ражаб-эрдўғончиларнинг террористик ташкилоти) исми бериб, ишдан ҳайдашга, қамашга бошлайдилар.

Бу масхарабозларча жанжал иккита исломий гуруҳ ўртасида бўлаётгани сабабли, уни исломий масхарабозлик даб аташ тўғридир. “Ҳаракат” йиллардан бери айтиб келаётгандек, Ислом динига демократиянинг талаби бўйича дунёвийлик/секуляризм принципини қабул қилдириб, уни давлат ишларига аралашмайдиган қилиб қўйилмаса, бу шаклдаги исломий масхарабозлик секин-аста катта ички урушларга айланиб кетиши, охир-оқибатда динимиз ўлиши муқаррардир.