Кеча Ўзбекистон Президенти Шавкат Мирзиё ўтказган видеоселектор мажлисида бу ҳақда гапирди. Шавкат Мирзиё маҳаллалардаги участка нозирларининг иш шароитларини яхшилаш зарурлигига эътибор қаратиб, нозир қайси маҳаллада ишласа, айнан шу маҳаллада яшаши кераклиги айтди. Шунга кўра, ходимлар учун давлат томонидан намунали турар жойлар қуриб берилади. Бу ишларни президент шахсан назорат қилади.

“Уй беришга шошилманглар. Ишим кўп бўлса ҳам уйларни ўзим кўриб чиқаман. Вақтим етмаса, Сенат раиси Ниғматилла Йўлдошев Тўлқинович бориб, альбомларни олиб келади ва ўзим кўриб, қўл қўйиб бераман. Уйлар шунчаки қурилмаслиги керак. Бундан ташқари, нозирларга хизмат автомобиллари топширилади”, деди президент.

Шунингдек, махсус тайёрланаётган йўриқномага кўра, участка нозирлари қасамёд қабул қилади. “Халқ ҳам, нозир ҳам билсин бу давлат борлигини. Нозирларга ҳамма шароитларни яратиб берамиз, кейин иш талаб қиламиз”, дея таъкидлади Шавкат Мирзиё.

Бу хабар бўйича икки таҳлил бериш керак. Биринчидан, Ислом Карим ҳам 1989 йили Ўзбекистон бошига Лубянка тарафидан ўтқазилач, у милиционерларга катта моддий имконяитлар яратиб, уларни сотиб олишдан иш бошлаган эди. Иккинчидан, ҳокимиятнинг мустақил шохларидан бири бўлган Сенат раиси Ниғматилла Йўлдошев президентнинг югурдаги эмас, альбомларни олиб келиш учун президент идорасидаги нима қилишни ҳам билмай ўтирганларни жўнатиш керак.

Нима ҳам дердик, милиционерларга жаллодлик, Сенат раисига югуракликликда башарлар тилаймиз.

Бу хабарга қўйган расмимиз Ўзбекистонда ҳеч ким танимайдиган югурдак Сенатор Ниғматилла Йўлдошевники эканлигига амин эмасмиз. Аммо, нима ҳам қилардик, шуни топдик, шуни қўйдик.