“Озодлик” радиосининг ўз манбаларига таяниб хабар қилишича, Наманган вилоятининг Тўрақўрғон туманида яшайдиган 47 яшар А.А. 30 март куни эрталаб устига бензин сепиб, ўзига ўт қўйди ва шифохонага етказилгач, вафот этди. Газ таъминоти идораси бўйнига катта миқдорда қарз илиб қўйгани учун фуқаро А.А. ўзини ёқишдан олдин бир неча кун газчилар билан жанжаллашиб юрган.

Тўрақўрғон туманидаги Янгиобод маҳалла фуқаролар йиғинининг Еттикон кўчасида яшовчи 47 яшар А.А.нинг 30 март куни ўз жонига қасд қилгани ҳақида қўшниларнинг бири Озодлик радиосига хабар берибди. Маълум бўлишича, эрини қутқараман деб, рафиқасининг ҳам панжа ва билаклари куйган. Унга тиббий ёрдам кўрсатилмоқда.

Бу ачинарли воқеа АҚШнинг “Озодлик” радиоси ўзбек хизмати учун яхши хабар эканлигини айтар экан, киноя қилаетганимиз йўқ. Чунки, Ўзбекистон давлати ва Ўзбек миллатининг асосий муаммоларини умуман тилга олмайдиган бу радио ҳар кунлик эфир вақтини тўлдириш учун шунақа хабарларга зор. Бугун бу радионинг ўзбек хизматчилари учун яхшигина байрам бўлибди.