23 March 2017
06:44 - Сенсация эмас,”Ҳаракат” айтиб келаётган оддий воқеалардан бири: Лондондаги терактда 5 киши ҳалок бўлди
Сенсация эмас,”Ҳаракат” айтиб келаётган оддий воқеалардан бири: Лондондаги терактда 5 киши ҳалок бўлди

Кеча куннинг ўрталарида Лондоннинг Вестминстр деб аталадиган марказий қисмида, бу мамлакат парламенти биносига яқин бир жойда, автомбилли террорист ўз автомбили билан йўл четидан кетаётган йўловчилар устига юрди. Ўша заҳоти 2 киши ўлгани, 20 атрофида одам ярадор бўлгани айтилмоқда хабарларда айтилди. Кейин террорист автомобилидан чиқиб, қўлидаги пичоқ билан полиция ходимини почоқлаб ўлдирди. Бошқа полициячилар уни ўққа тутдилар, қаттиқ ярадор бўлган террорист бир оздан кейин ўлди.

Ўшандан бери бу воқеа дунёнинг диққат марказида. Буюкбритания Бош вазири Тереза Мэй теракт жойига келибми, ёки ўз қароргоҳидан турибми, тушуниш қийин, бу қонли воқеани расман теракт деб баҳолади, эртага мамлакат парламенти бу воқеани муҳокама қилиш учун тўпланишини билдирди.

Кейинчалик, терактда ўлганларнинг сони, террористни ҳам қўшиб, 5 га чиққани, ярадорлар сони 40 дан ошгани билдирилди. Дунё давлатларининг раҳбарлари инглизларга таъзия билдирувчи телеграммалари билан Лондонни кўмиб ташладилар, Тереза Мэйга телефон қилганлар ҳам жуда кўп. Террорист ким эканлиги эса ҳалигача аниқланмабди. У араб аслли, исми Омар Брукс, лекин Абу Иззадин лақаби ва террорчиларга хайрихоҳлиги билан аввалдан танилган одам эканлиги ҳақида хабарлар тарқалди, аммо у ҳали тасдиқланмади.

Ғарб дунёси исломий терроризм билан, унинг моҳиятини яхшилаб ўрганиб, жиддий шаклда шуғулланмаса, автоҳалокатларга кўникиб қолган одамзот исломий терактларга ҳам қўникиши ва унга қутилиб бўлмайдиган касалликдек қараб, ҳаётни исломий терроризм билан яшаб давом эттиравериши кераклиги ҳақида “Бирлик” Партиясининг жарчиси бўлган “Ҳаракат” Агентлиги йиллардан бери гапириб келмоқда. Бизга кўра, ислом терроризмининг илдизлари Қуръоннинг ўрта асрлардан ҳам аввал қилинган хато тафсири асосида яратилган исломий тушунчаларда бўлиб, ислом терроризмини йўқ қилишнинг ягона йўли – бу хато тушунчаларни тузатиш, яъни Исломда фундаментал ислоҳотлар қилиш ва Ислом дини дунёвийлик/прниципини тан олишига этишишдир. Ислом дунёси ҳали бундай ислоҳотларга тайёр эмас, демак, унга ёрдам бериш, керак бўлса зўрлаш лозимлигини ҳам айтмоқдамиз.

Аммо, Ғарб бизнинг таклифларимизни ҳали тушунмаяпти. Демак, Лондондаги теракт атрофида кўп ваҳима қилавермай, бундай қонли воқеалар ҳар куни ҳар ерда бўлиши мумкинлигини тан олиб, хотиржамлик билан ҳаётни давом эттиравериш керак.

Бу хабар бизнинг сайтимизда бунчалик кеч эълон қилинаётганинг ягона сабаби – “Бу воқеа хабар қилишга арзийдиган нарсми ўзи?” деган совол бошимизни қотирганидир.
« Олдинги хабар Хабарлар рўйхати Кейинги хабар »