20 March 2017
22:51 - АҚШ парламентининг қуйи палатасида Президент Доналд Трампнинг Россия билан алоқаларини ўрганиш ниятидаги тинглов бўлди
Маҳаллий вақт билан эрталаб бошланган ва “тинглов” деб аталадиган АҚШ Конгрессининг қуйи палатаси Вакиллар Уйининг Разведка бўйича Комитети мажлиси ҳозиргина, маҳаллий вақт билан пешиндан бироз кейин тамом бўлди.

Комитет аъзолари Федерал Тергов Бюроси (Federal Bureau of Investigation - FBI) директори Жеймс Коми ва Миллий Хавфсизлик Агентлиги директори Майкл Рожерснинг Россия АҚШда ўтган йили бўлиб ўтган президентлик сайловларига қанчалик аралашгани ва ҳатто сайлов натижаларига таъсир кўрсатолган бўлиши ҳақидаги нутқларини тингладилар ва бир неча соат уларни саволлар билан кўмиб, бу воқеаларга ойдинлик киритишга ҳаракат қилдилар.

Аммо, аслида, бу йиғилиш Доналд Трампга қарши бўлишдан ташқари, унинг гўёки Россия билан махфий келишувлари атрофидаги миш-мишларни янада чуқурлаштириш ниятидаги йиғилишга айланиб кетди, ёки айнан шу мақсадда уюштирилган эди.

У ерда бўлган писқи-пасод гапларнинг ҳеч бир қизиқ тарафи ҳам бўлмади. Аммо, қуйидаги нуқталар алоҳида урғуланди, десак ҳам бўлади.

1. Жеймс Коми ва Майкл Рожерс Россияни АҚШнинг душмани деб баҳоладилар, Россия АҚШдаги президент сайловларига аралашишга ҳаракат қилганинига ишонишларини кўрсатдилар, аммо бу ҳақда аниқ фактлар йўқлигини тан олдилар.

2. FBI директори Жеймс Коми Доналд Трамп билан Россия ўртасида махфий келишувлар бўлгани ҳақидаги гаплар текширилаётганини алоҳида урғулади. Энг, қизиғи, шундай текширув ўтказилаётгани бугунги мажлисни жонли эфирда тарқатган ҳам телекаларнинг диққат марказида турди. Бу ҳақдаги ёзувлар экаранда доим ёзилиб турди ҳисоб.

3. Доналд Трампнинг ўтган йилги сайлов олди кампанияси давомида Президент Барак Обаманинг топшириғи билан ўзининг телефондаги гаплашишлари эшитиб борилганини ҳақидаги иддаолларини исботловчи фактлар йўқ эканлиги Жеймс Коми ва Майкл Рожерс тарафидан айтилди.

Доналд Трамп Вакиллар Уйидаги тинглов бошланаётган пайтларда ўзининг Твиттердаги саҳифасига бу тинлов устидан куладиган сўзлар ёзиб қўйди. Аслида, АҚШдек давлат парламентининг палаталаридан бирида бўлган бу йиғилиш жиддийликдан узоқ бўлган шундоқ ҳам кўриниб турарди.

Расмда - Жеймс Коми ва Майкл Рожерс тинглов пайтида.
« Олдинги хабар Хабарлар рўйхати Кейинги хабар »