Туркиянинг DAL Teknik Makina ширкати Ўзбекистонда саноат аҳамиятига эга металл конструкциялар заводини қуришни режалаштирмоқда. Бу ҳақда хабар берган нашрига кўра,"Ангрен" эркин иқтисодий зонасида жойлашадиган мазкур саноат объектини ташкил қилиш бўйича меморандум Ўзбекистон делегациясининг Истанбулга ташрифи давомида имзоланган.

"Лойиҳанинг бошланғич қиймати 10 миллион доллар атрофида бўлади. Туркиялик инвесторлар зона ҳудудини кўриб чиқишди ва Оҳангарон саноат блокидаги умумий майдони 6 гектарни ташкил этувчи жойни танлашди. Ҳозирда маъмурий кенгаш кўриб чиқиши учун зарур ҳужжатлар тайёрланмоқда", - деган "Ангрен" ЭИЗ вакили.

Турк қардошларимизнинг Ўзбекистонга келиши олқишланадиган воқеа. Ўз-ўзидан маълумки, DAL Teknik Makina – хусусий ширкат. Нимага Ўзбекистонда бу каби катта хусусий ширкатлар йўқ? Ўзбекистон иқтисодини ҳозирги аянчли аҳволдан олиб чиқиш учун бундай заводлар куришга кучи етадиган ўзбек бойлари, катта хусусий ширкатлар пайдо бўлишига йўл очиш керак. Шавкат Мирзиё тутзорларни кўпайтириш билан эмас, стратегик муаммолар билан шуғулланиши шарт.