Бош қароргоҳи Нью-Йоркда жойлашган, дунёнинг 40 мамлакатида 20 мингдан ортиқ персонали бўлган Mercer фирмаси консультатив ёрдам бериш билан шуғулланишдан ташқари, турли рейтинг рўйхатлари ҳам тузади. Шу кунларда бу ширкат Ҳаёт сифати бўйича дунё шаҳарлари рўйхатини эълон қилди.

8 йилдан бери рўйхатнинг бошига Австриянинг пойтахти Вена шаҳри (расмда) қўйилмоқда экан. Биринчи 10 таликка Венадан ташқари қуйидаги шаҳарлар киритилган - Цюрих, Окленд (Янги Зелландия), Мюнхен, Ванкувер (Канада), Дюссельдорф, Франкфурт, Женева, Копенгаген, Базель (Швецария).

Дунёнинг 231 шаҳари киритилган рўйхатда Париж 38-чи, Лондон 40-чи, Нью-Йорк 44-чи, Токио 47-чи, Вашингтон 49-чи, Сеул – 76-чи, Абу-Дубай 79-чи, Тел-Авив – 105-чи, Пекин – 119-чи, Истанбул 133-чи, Боғдод 231-чи ўрин олган.

Собиқ Совет Иттифоқининг баъзи шаҳарларига қуйидаги ўринлар берилибди:

Вильнюс – 81
Таллин – 89
Рига – 91
Москва – 168
Ереван - 172
Киев- 174
Олмота - 178
Тбилиси - 187
Минск – 189
Боку - 196
Тошкент - 205
Бишкек - 207
Ашхабод - 211
Душанбе – 215

Рўйхатда Остона ва Кишинев кўринмади. Аммо, биз учун муҳим бўлгани, Тошкентимиз охирги ўринда эмас, ҳатто Бишкек, Ашхобод ва Душанбеда олдинда эканлиги. Нима дердик, бир маҳаллар “Нон шаҳри” бўлган, ҳозир эса бечора Тошкент!

Ҳа, дарвоқе, рўйхатни тузишда шаҳарлардаги сиёсий барқарорлик, соғлиқни сақлаш ва таълим системасининг сифати, жиноятчилик даражаси, транспорт системасининг самарадорлиги, ҳордиқ чиқариш имкониятлари каби критерийлар ҳисобга олинган.