06 March 2017
22:23 - Даҳшат: Қозонда ўзбекистонлик аёл ўз боласини ўлдириб, ахлатхонага ташлаб кетган? Ўзбекистон ҳукумати ҳам жавобгарликка тортиладими?
Татаристон пойтахти Қозон шаҳридаги чиқинди контейнерларидан бирида янги туғилган чақалоқнинг мурдаси топилди ва бундай хунрезликни амалга оширган Ўзбекистон фуқароси қўлга олинди. Тергов органи 28 яшар ўзбекистонлик аёлни ўз боласини бўғиб ўлдирганликда айбламоқда.

Тегишли экспертиза 2017 йилнинг 27 февралида Қозон шаҳрининг Габишев кўчасидаги 35-уйнинг чиқинди ташланадиган контейнерларидан топилган чақалоқ жасадининг соғ-саломат туғилгани, бироқ кейинчалик бўғиб ўлдирилгани ҳақида хулоса берган. Ҳамюртимиз 8 йилдан 20 йилгача умирини ўрис қамоғида ўтказиши мумкин.

Ўзбекистон ҳукуматининг айби билан миллиондан кўпроқ ўзбеклар бир бурда нон топиш учун чет элларда ҳуқуқий ва ижтимоий ҳимояланмаган ҳолда қуллардек мардикорлик қилмоқдалар. Бечора ўзбек аёли шу аҳволимизнинг қурбонларидан биттаси, холос. Россия суди бу жиноятда Ўзбекистон ҳукуматининг ҳам айби борлигини ҳисобга олиши керак.
« Олдинги хабар Хабарлар рўйхати Кейинги хабар »