27 February 2017
19:33 - АҚШ долларининг қиймати сезиларли ошмоқда
Бугун Ўзбекистон Республикаси Марказий Банки АҚШ долларининг расмий курсини яна 47 сўмга оширди. Эслатиб ўтамиз, ўтган ҳафтада ошиш 58 сўм бўлган эди. Яъни, сўнгги икки ҳафтада ошаётган қиймат АҚШ доллари курсини “қора бозор”га яқинлаштирмоқда. Сўм инфляцияси ортяпти: 1 АҚШ доллари – 3 минг 404 сўм 35 тийин. Евронинг қиймати эса 34,64 сўмга ошиб, 3 606,16 сўмга, рубль 0,99 сўмга ошиб 59,23 сўмга етди.

“Қора бозор”да эса, АҚШ валютасининг қиймати 7000 сўмлик довондан ошганига 4 кун бўлди. Саррофлар АҚШ долларини 7030 сўмгача харид қилишиб, уни 7050 сўмдан пуллашяпти. Индинга 10 000 сўмлик банкноталар муомалага киргач, бу қиймат яна-да ортади, дейишмоқда саррофлар.
« Олдинги хабар Хабарлар рўйхати Кейинги хабар »