Унчалик муҳим бўлмаган бу хабар ҳамманинг диққат марказида бўлаётганининг сабаби – Трампнинг аввалги маслаҳатчиси Томас Флинн 3 ҳафта ишлагандан кейин, аниқроғи, 13 февралда ўзининг россияпарастлиги атрофидаги тўпалонлар ичида истеъфога кетишга мажбур бўлганидир.

Кеча Доналд Трамп ўзининг хавфсизлик масалалари бўйича янги маслаҳатчиси этиб АҚШ армиясининг генерал-лейтенанти Герберт Макмастерни (Herbert Raymond McMaster) танлаганини эълон қилди. Бу ҳақда Reuters Агентлиги хабар тарқатди. Флорида штатидаги ўз мулки бўлган хўжаликда шанба-якшанбадан ташқари АҚШда Президент Куни байрами ҳисобланадиган 20 феврални ҳам ўтказган Доналд Трамп Герберт Макмастер ҳақида журналистларга шундай дебди: “У қуролли кучларимизда катта ҳурматга эга. Бундай одам мен билан бўлиши мен учун фахрлидир. У катта талант ва катта тажрибага эга.”

Бундан ташқари, Доналд Трамп бошқа маслаҳатчиси Кит Келлогни (Keith Kellogg) Президент қошидаги Миллий Хавфсизлик Кенгашига раис қилганини ҳам билдирди.

Reuters Агентлигининг хабарига илова қилинган расмда Герберт Макмастер (ҳарбий кийимда) ва Кит Келлогни Доналд Трамп билан унинг Флорида штатида бўлган хўжалигидаги уйда кўрмоқдасиз.