Кеча Россия Федерациясининг 2006 йилдан бери Бирлашган Миллатлар Ташкилотидаги элчиси Виталий Чуркин бугун нишонланадиган 65 йиллик юбилейига етиб келолмасдан оламдан ўтди. Reuters Агентлиги Россия ташқи ишлар вазирлигига асосланиб хабар қилишича, кеча иш пайтида Чуркиннинг мазаси қочиб қолибди, касалхонага олиб борилибди, аммо тезда ўлибди.

Исми очиқланишни истамаган АҚШ расмийсига кўра, Чуркин юрак ҳуружидан ўлган.

Ўрисларнинг хабарларига кўра, Россия Президенти Владимир Путин бу хабардан жуда таъсирланибди, изтироб чекибди, Чуркиннинг дипломатик фаолиятини юксак баҳолабди.

1974 йили Москва Давлат Халқаро Алоқалар Институтини битиргандан бери дипломатик ишда бўлган Виталий Чуркин тарих фанлари кандидати унвонига ҳам эга бўлишдан ташқари инглиз, француз ва монгол тилларини билар экан.

Виталий Чуркиннинг бу ёшда юрак хуружидан ўлганига ҳайрон бўлмаслик керак, дейди мухбиримиз. Чунки, у сўнги 10 йилда Владимир Путин юрт ичида ва юрт ташқарисида олиб бораётган агрессив сиёсатни оқлашдек ўта қийин иш билан машғул бўлди, жаҳаннамда яшагандек яшади. Аслида, у Путиннинг ҳамкори бўлган ва ахир бир кун биргаликда қилган ишлари учун жавоб бериши керак эди.

Худо у жавоб бериладиган кунни кутиб ўтирмасдан Виталий Чуркинни ҳозироқ жазолабди. Путиннинг ўзи жавоб кунларига етиб борармикан?