Шу йил 17 февралда Президент Шавкат Мирзиё “Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида" қарор чиқаргани ҳақидаги хабарларга эътибор ҳам бермаган эдик. Чунки, номига қараганда, у Совет замонида чиқариладиган ва қоғозда қолиб кетаверадиган қарорлардан бири эди. Ҳозир маълум бўлишича, бу қарорда бир вақтлар Ислом Карим тарафидан Фанлар Академиясидан чиқарилиб, турли олий ўқув юртларига берилган илмий-текшириш институтларини Фанлар Академиясияга қайтариш байруғи ҳам бор экан. Мана ўша илмий-текшириш институтлар рўйхати:

- Тарих институти;
- Романовский номидаги Математика институти;
- Ядро физикаси институти;
- Арифов номидаги Ион-пламза ва лазер технологиялари институти;
- Ўрозбоев номидаги Механика ва иншоотлар сейсмик мустаҳкамлиги институти;
- Полимерлар кимёси ва физикаси институти;
- Шарқшунослик институти;
- Яхё Ғуломов номидаги Археологик тадқиқотлар институти;
- Ўзбек тили, адабиёти ва фольклори институти;

Шавкат Мирзиё 17 февралдаги қарорида Фан ва технологиялар бўйича Давлат комиссияси ташкил этиб, илмий-техник фаолият соҳасида ягона давлат сиёсатини ишлаб чиқиш ва амалга ошириш унинг асосий вазифаси этиб белгилан, бу Комиссия қошида Илмий-техник фаолиятни қўллаб-қувватлаш ва ривожлантириш жамғармаси ташкил этилган ва шу каби бир қатор ишлар режалаштирилган экан.

Илмий-текшириш институтларини у ердан бу ерга кўчириш билан катта самараларга эришиш мумкинлигини тахмин қилиш қийин, аммо Ислом Карим тарафидан бекитиб ташланган Кибернетика Институтини тиклаш кераклиги ўз-ўзидан маълум. Чунки, айнан шу илмий даргоҳда компютерлар ва информацион технологиялар соҳасида фундаментал илмий тадқиқотлар олиб бориларди, айнан шу институт таркибида ҳозир “Бирлик” Партияси лидери бўлган техника фанлари доктори, профессор Абдураҳим Пўлат “Интелектуал Роботлар” номли бўлим яратган эди.

Бу институт тикланиши, унга институтнинг асосчиси академик Восил Қобулнинг исми берилиши, қолаверса, Фанлар Академиясининг аҳмоқона логоси ҳам ўзгартирилиши керак.