15 February 2017
11:26 - UMS мобиль алоқа ширкати янгиланмоқда, сабаби – ҳаромий Ислом Каримнинг ўлими ва қизи Фуҳишанинг уй қамоғида чиритилаётгани
Ўзбекистондаги йирик мобил алоқа оператори - UMS (Universal Mobile Systems) ширкатининг бош директори ва техник директори алмаштирилди. Ширкат матбуот хизмати хабарига кўра, ширкат янги бош директори этиб ҳозиргача “Ўзбектелеком” таркибига кирувчи Telmax Electroniks ширкати директори бўлиб ишлаган Сирожиддин Фахриддинов¸ техник директор лавозимига эса, Собир Орипов тайинланган. Ширкатнинг собиқ раҳбарлари истеъфоси тафсилотлари аниқ эмас.

2014 йил декабрида Universal Mobile Systems – UMS бренди остида иш бошлаган янги ширкат акцияларининг 50¸01 фоизига Россиянинг Мобильные ТелеСистемы (МТС) ширкати, қолган 49¸99 фоизига эса Ўзбекистон Ахборот Технологиялари ва Коммуникацияларни Ривожлантириш Вазирлиги эгалик қилади.

Эслатиб ўтиш керакки, 2004 йил Ўзбекистонга кириб келган Мобильные ТелеСистемы маҳаллий “Ўздунробита” ширкатини ўзиники қилиб олди ва ўшанда Ўзбекистонда мобиль телефон алоқасининг сифати жуда юксалиб кетди. Аммо, 2012 йилнинг ўрталарида кутилмаганда “Ўздунробита” мавжуд режимнинг босими остида қолди ва бир неча ой ичида Швециянинг TeliaSonera компанияси қўлига ўтиб кетди.

Мобильные ТелеСистемы компаниясининг эгаси Владимир Евтушенков Россия Президенти Владимир Путинган яқин одам бўлгани сабабли бу жанжал сиёсийга айланди. Тезда маълум бўлдики, ўша пайтдаги Ўзбекистон Президенти Ислом Каримнинг Фуҳуша лақабли қизи Гулнора TeliaSonera компаниясидан 300 млн доллар атрофида пора олиб, отасининг соясида “Ўздунробита”ни шведларга ўтказиб юбортирган экан.

Бу жанжал ҳақида “Ҳаракат” Агентлиги ўнлаб хабар-мақолачалар эълон қилди. Айнан ўшанда швециялик журналистлар биз билан (аниқроғи, Абдураим Пўлат билан) боғланиб, агентлигимиз сайтида эълон қилинган “Из почтового ящика «Харакат»: Скандал по делу об отмывании денег Гульнарой Каримовой набирает обороты” (31 август 2012 йил) ва “Ўзбекистон режими: Йўқолсин “Ўздунорбита”, яшасин “Ucell”! (26 июль 2012 йил)” номли материаллар билан қизиқиб қолганларини айтишди ва шу мавзуда баъзи саволларга жавоб беришни сўрашди.

Уларни ҳайрон қолдирган нарса сифатида, бу мавзуда ёзаётганлар кўп бўлса ҳам, айнан бизда мавзу лўнда ва аниқ таҳлил қилингани, фақат биз “МТС-Ўзбекистон” йўқ этилиб, унинг ўрни TeliaSonera компаниясига берилаётганининг фарқига бораётганимизни айтишди. Абдураҳим Пўлат уларга Швецияда яшаётган Пўлат Охун билан боғланишни тавсия қилди. Пўлат Охун билан ўтказилган суҳбатлар Швеция телеканалларида кўрсатилди.

Дарвоқе, сайтимиза эълон қилинган хабар-мақолачаларни “Ўздунорбита”, “Уздунорбита”, “Ucell”, “Фуҳуша” сўзлари орқали қидириб топиш мумкин.

Бу орада ишга Владимир Путин ҳам киришди, шекилли, Ислом Карим Путиннинг ғазабидан қўрқиб кетиб, 2014 йилда МТСнинг Ўзбекистонга қайтиб келишига йўл очишга мажбур бўлганди. Айнан ўшанда Ислом Карим ва унинг қизи Фуҳушанининг иши битганди. Фуҳуша отаси тарафидан ўй қамоғига ташланди, ҳаромий отанинг ўзи эса, итдек олмдан ўтди.

Расмда Universal Mobile Systems ширкатининг логосини кўрмоқдасиз, МТСнинг логосида UMS ўрнида МТС ёзилган.
« Олдинги хабар Хабарлар рўйхати Кейинги хабар »