АҚШда ўтган йилги президент сайловлари олдидан мамлакатнинг сиёсий элитаси ва оммавий ахборот воситаларининг мутлақо кўпчлиги демократларнинг номзоди Ҳиллари Клинтон тарафида бўлиб, республикачиларнинг номзоди Доналд Трампга қарши чиқдилар. Аммо, ҳамма нарса «Ҳаракат» башорат қилгандек бўлди ва айнан Доналд Трамп АҚШнинг 45-чи президенти этиб сайланди.

Алам ичидаги сиёсий элита ва оммавий ахборот воситалари демократияга тупириб, Доналд Трамп президентлик курсисига расман ўтиргандан кейин ҳам уни орқасидан чалиб йиқитишга уриниб ётибдилар. Айнан уларнинг таъсири остида штатлардаги баъзи федерал судлар Доналд Трапм 27 январда имзолаган “Мамлакатни АҚШга кириш ҳаракатидаги чет эллик террористлардан ҳимоя қилиш” номли бир қатор мусулмон давлатларининг фуқароларига АҚШга киришни қийинлаштирувчи фармоннинг ижросини вақтинча тўхтатиб қўйдилар. Аммо, сўровномаларнинг натижалари америкаликларнинг кўпчлиги бу фармонни қўллаб-қувватлаши маълум бўлди. Ҳеч шубҳасиз, бу масалада ҳам Доналд Трамп ғалаба қозонади.

Яна маълум бўлмоқдаки, бизнес ҳам Доналд Трамп тарафида. Аввалги хабаларимизда айтилганидек, у президент пойгасида ғолиб чиққанлиги маълум бўлиши биланоқ, АҚШда иқтисоднинг ва бизнеснинг аҳволини ўзидан акс эттирадиган Нью-Йорк фондлар биржасининг Dow Jones индекси тўхтовсиз тарихий рекордлар уриб ётибди. Охирги йилда 19 минг атрофида ўйнаб турган Dow Jones декабрь ойининг бошларидаёқ 20 мингнинг остонасига келди, бу йил 15 январда 20 минглик маррани тарихда биринчи марта ошди.

Сўнги 3 иш куни тўхтовсиз ортиб борган ва тўхтовсиз тарихий рекрдларни уриб борган Dow Jones кеча 20 минг 441 гача чиқди.

Эслатамиз, Dow Jones индекси АҚШдаги энг катта 30 ширкат акцияларининг ўртача қийматини ўзида акс эттирувчи рақамдир. Демак, катта ширкатларнинг бойлиги рекорд даражага юксалди. Бу – АҚШ иқтисоди юксалаётганининг ва айна замонда Доналд Трампга бўлган ишонч ортиб бораётганининг кўрсатгичидир.

Жойи келгани учун яна қайтарамиз, ўзбеклар ҳам кўзини очиши, АҚШдек давлат ичида бўлаётган жараёнларнинг эртанги кунини кўрабилишда АҚШдаги ахборот воситаларидан савияли эканлигини кўрсатган, ўз Ўзбекистонимиз ва Ислом дунёсида бўлаётган жараёнлар ҳақида тўғри башоратлар қилаётган “Ҳаракат” Агентлигининг хабарларини ўқишлари керак. Қолаверса, одам бўлиш учун бошқа йўллари ҳам йўқ.