Россиянинг Тула вилоятида қулаган омборхонада нобуд бўлган уч нафар Ўзбекистон фуқароларининг жасадларини ватанга келтириш юзасидан Ўзбекистон Фавқулодда вазиятлар вазирлиги ҳаракат бошлаган. Ўзбекистон Ташқи ишлар вазирлиги ҳалок бўлган муҳожирларнинг яқинларига кўмак бериш ва жасадларни Ўзбекистонга юбориш масаласи бўйича Россия билан музокара ўтказгани ҳақида хабар қилди.

Бу Ўзбекистон ҳукуматининг камдан кам ташаббусларидан бири бўлиб, бу хайрли ишга президент Шавкат Мирзиёнинг миграциядаги ҳамюртларимиз тақдири ҳақида гапирганидан сўнг қўл урилмоқда. Ҳеч шубҳа йўқки, “Ҳаракат” Агентлигининг йиллардан бери бу масалада Ўзбекистондаги режимни ашаддий танқид қилиб келииши натижа беришга бошлади. Умид қиламизки, "Бирлик" Партиясининг чел элда мажбуран ишлаётган миллионлаб Ўзбекистон фуқароларининг муаммолари билан шуғулланадиган махсус вазирлик тузиш таклифи ҳам эътиборга олинади.

Эслатиб ўтамиз, фожиа бундан икки кун аввал Тула вилоятининг Чернский тумани Поповка қишлоғидаги “Максим Горький” номли хўжаликка тегишли сабзавотлар сақлаш биноси томининг қулаб тушиши пайтида содир бўлган.