Ташқи ишлар вазирлигидан яқинда истеъфога кетган Франк-Вальтер Штайнмайер бугун Германинг янги президенти этиб сайланди. Германия – парламентар давлат, бу ерда ҳокимият парламент (Бундестага) ва у тарафидан тайинланадиган бош вазир - Канцлер қўлида. Президент расмий вакиллик вазифаларини бажаради, холос.

Германияда президент мамлакат парламенти Бундестаг аъзолари (630 депутат) ва 16 та федератив вилоятларнинг президент сайлаш учун махсус юбориладиган тенг сонли вакилларидан иборат бўлган Федерал Мажлисда сайланади. Бугун тахминан 1250 кишининг иштирокида ўтган Федерал Мажлис йиғилишида Франк-Вальтер Штайнмайер 931 овоз билан президент бўлди. У янги лавозимга 18 март куни жорийдаги Президент Йоахим Гаукнинг ўрнига ўтиради.

Германиядек давлатда президент ўзгариши, унинг лавозим қанчалик рамзий бўлмасин, ўзбекларни ҳам қизиқтириш керак бўлган воқеа. Чунки, Германия дунёниннг энг кучли мамлакатларидан бири, “катта еттилик” - G7 нинг аъзоси. У аслида БМТ Хавфсизик Кенгашининг доимий аъзоси ҳам бўлиши керак. Тўғри, у Ғарбнинг кўп давлатларидан фарқли равишда, Ўзбекистонда демократиянинг аҳволи билан унчалик қизиқмайди. Франк-Вальтер Штайнмайер ҳам қизиқмаган. Аммо, бунинг бош сабабчиси – ҳеч нарса билан иши бўлмаган ўзбекларнинг ўзидир, уларнинг пассивлигидир.

Расмда - Франк-Вальтер Штайнмайер (оқ сочли ва кўз ойнакли) сайловдан кейин табрикларни қабул қилмоқда. Ўнгда – 2005 йилдан бери Канцлер лавозимида ўтирган ва яқинда Бундестаг тарафидан 4-чи марта Концлер этиб сайланиши кутилаётган Ангела Маркел.