Бу делегация аввал Ўзбекистонда бўлгани, Тошкент расмийлари билан узоқ муддатли ҳамкорлик ўрнатиш масаласини муҳокама қилгани, делегация Ташқи ишлар вазири Абдулазиз Комил билан учрашгани ҳақида 7 февралда хабар қилган эдик. Банк делегациясининг раҳбари бор-йўғи Банкининг Марказий Осиё ва Россия бўйича бошқарувчи директори Наталья Ханженкова бўлгани сабабли, у билан энг юқори даражали учрашув ўтказиш вазир Абдулазиз Комилга топширилган эди.

Тошкентдан кейин Душанбега келган Банк делегацияси бу ерда Президент Имомали Раҳмоннинг ўғли Рустам билан учрашув ўтказди. Қизиғи шундаки, расмига қараганда ҳали мишиқи бўлган Рустам Раҳмон бир неча кун аввал Душанбе шаҳар ҳокими этиб тайинланганди. Расман сайланган бўлса керак, аммо Тожикистонда ҳам тўла диктаторлик ҳукм сураётганини назарга олсак, Имомали Раҳмон ўғлини бу лавозимга ўзи тайинлаган, аммо қандайдир сайлов ўйинини ҳам ўтказган..

Наталья Ханженкованинг Абдулазиз Комил билан учрашуви ҳақидаги хабарга фақат меҳмоннинг расми қўйилган бўлса, Душанбедаги учрашув ҳақидаги хабарга фақат мезбоннинг расми қўйилибди.

Расмда - ҳозир мишиқи, аммо келажакда Тожикистоннинг президенти Рустам Раҳмон.