Германиянинг Оила вазирлиги тарафидан биринчи марта эълон қилинган статистик маълумотларга кўра, ҳозир Германияда суннат қилинган 47 минг аёл бор. Яна минглаб қизлар суннат қилиниш арафасида. Суннат қилинган аёлларнинг сони 2014 йилга нисбатан 30 фоизга ортган. Бундай ортишнинг сабаби – аёлларни суннат қилиш кенг тарқалган Миср, Эритрея, Сомалия, Эфиопия, Мали, Ироқ каби давлатлардан келаётган муҳожирларнинг сони ортиб бораётганидир.

Бу ҳақда хабар тарқатган Der Spiegel газетаси дунёда 200 миллион артрофида суннат қилинган хотин ва қизлар борлигини, уларнинг ярмиси Миср, Эфиопия ва Индонезияда яшашини, Сомалия каби Африканинг бир неча давлатида хотин-қизларнинг 90 фоизи суннат қилинганини билдирган.

Туркларнинг “Миллиёт” газетаси ёзишича, Германия бундай одатнинг олдини олиш учун қандайдир ишлар қилишга бошлабди. Масалан, 2016 йилда чиқарилган қонунга кўра, қизларини ўзлари келган мамлакатга олиб бориб, ўша ерда суннат қилдириб келаётган ота-оналарнинг Германия паспорти бекор қилинади, яъни улар фуқароликдан чиқарилади.

Тахмин қилиш қийин эмаски, Ислом уламолари бу масала бўйича турли фикрда бўлсалар ҳам, БМТ бундай одатни йўқ қилишга чақирувчи резолюция чиқарган бўлса ҳам, яқин келажакда хотин-қизларни суннат қилиш Ислом дунёсида яна ҳам кенг тарақалади. Чунки, бутун дунё олға кетар экан, Ислом дунёсини ўзлари ҳам тушунмасдан ўрта асрларга судраётганлар кўпаймоқда. Уларга кўра, фарз бўлмаган сунний урф-одатлар ҳам албатта бажарилиши керак.

Бундайларнинг ҳозир энг кўзга ташланувчи мисоли Туркиядаги ражаб-эрдўғончилар ва фатхулла-гуленчилардир. Улар ҳижобга рухсатни қонунлаштириб олганларидан қанчалик хурсанд эканликлари кўрсатмоқдаки, секин-аста аёлларни суннат қилишни ҳам кўн тартибига олиб чиқадилар. Агар улар тўхтатилмаса, ҳижоб ва аёлларнинг суннати каби урфи-одатларни мажбурийга айлантирадилар.