18 January 2017
07:31 - Ўзбекистон паспорт кучи рейтингида ҳам Қозоғистондан орқада, дунё рўйхатининг охирги қисмида
АҚШнинг Arton Capital ширкати тарафидан тайёрланган Passport Index 2017 рейтингида Ўзбекистонннинг фуқаролик паспорти рўйхатдаги қуйи поғоналардан бири - 150-ўринни эгаллади. Ммамлакатимиздаги паспорт эгалари дунёнинг 54 мамлакатигагина визасиз кириши мумкин экан.

Паспорт кучи рейтинги Халқаро Ҳаво Транспорти Агентлиги (IATA) ва бошқа манбалар маълумотлари асосида тайёрланди. Паспорт кучи деганда унинг эгаси дунёнинг қанча мамлакатига визасиз бора олиши мумкинлиги назарда тутилади.

210 мамлактни ўз ичига олган рейтинг рўйхатида фуқаролари 157 давлатга визасиз бориши мумкин бўлган Германия биринчи, Швеция ва Сингапур эса иккинчи (156 мамлакат) ўринларни эгаллаган. АҚШ ва яна 7 мамлакат 4-11 ўринларни бир хил рейтинг билан эгаллашган. Россия бу рўйхатда 94-чи, Қозоғистон 119-чи, Қирғизистон 139-чи, Тожикистон 151-чи, Трукманситон 163-чи ўринда.
« Олдинги хабар Хабарлар рўйхати Кейинги хабар »