Ўз-ўзидан маълумки ҳозир ғарбликлар миграцион сиёсат деганда мусулмон муҳожирларга нисбатан сиёсатни назарда тутишмоқда. Ҳозир бундай сиёсатнинг ўзагида мусулмонларга нисбатан тоқатли бўлиш, динлараро муносабатларни дўстона шаклда ривожлантириш, яхши таълим-тарбия ва насиҳат йўли билан ислом терроризми ўзидан-ўзи йўқ бўлишига эришиш.

Шу кунларда Франция Президенти Франсуа Олланд, бу мамлакатнинг собиқ Бош вазири, ҳозир президентликка номзод бўлиш учун тайёрланаётган Мануэль Вальс, АҚШ Давлат Котиби Жон Керри, худди келишиб олгандек, янаги ҳафтада АҚШда президентлик курсисига ўтирадиган Доналд Трампнинг Европа мамлакатларидаги мусулмонларга нисбатан олиб борилаётган миграцион сиёсатни, хусусан, нолегал мигрантларни қабул қилинааётганини танқид қилувчи гапларига қарши ташланишди. Энг қизиғи, французлар Доналд Трампдан ўз ишларига аралашмаслини талаб қилишар экан, Жон Керри бу талабларни қўллаб-қувватлади. Аммо, бу сиёсатчилар кенгайиб бораётган ислом терроризмининг олдини олиш учун мусулмонларга нисбатан миграцион сиёсатда қандай ўзгаришлар қилиш кераклигини гапиришмаяпти.

Мен, дейди “Бирлик” Партияси лидери Абдураҳим Пўлат шу йил, яъни 2017 йил 4 январда АҚШ Президенти Барак Обамага йўллаган 4-чи, табиий, охирги хатимда шундай сўзлар ҳам бор:

* * * * *

“Жаноб Обама, Сизнинг менга ёзга иккинчи хатингизда шундай дегансиз: “Миллатимиз ғурурланса бўладиган диний тоқатлилик ва хилма-хиллик анаъаналарининг илдизлари бизнинг таъсис ҳужжатларимиздадир”. Демак, давлат исломий бўлиши кераклигини, мусулмонлардан шариат қонунлари бўйича яшашни, яъни учтагача хотин олиш ҳуқуқига эга бўлишни, майда ўғриларнинг қўлини кесишни, каттароқ жиноят қилганларни тошбўрон қилиш каби талабларни олға сураётган динга ишончи бўлганларга америкаликлар тоқатли бўлиши кераклигини ўйлайсизми? Бундай бўлолмайди!

Хўш, мусулмонларнинг тоқатлилиги ҳақида нима дейишимиз мумкин? Ишонч билан айтиш мумкинки, мусулмонларнинг 99 фоизи ибодат қилишдан, яъни намоздан бошқа нарса билан қизиқмайди. Аммо, уларнинг 1 фоизи (яъни, 15 миллион мусулмон) Ислом динининг ҳамма талабларини ҳаётга жорий қилиш кераклиги, жумладан, ўзи яшайдиган давлатни исломий қилишни ўйлайди. Шу 1 фоизнинг 1 фоизи (яъни, 150 минг мусулмон) у талабларни ҳаётга жорий қилишни Оллоҳ олдидаги бурчи деб ҳисоблайди ва бунинг учун ўлимга ҳам тайёр. Айнан шулар потенциал террористлардир. Агар улар амалий иш бошласалар, юқорида айтилган 15 миллион уларни очиқча қўллаб-қувватлайди, қолган 99 фоиз эса, овоз чиқармасдан қўллаб-қувватлайди. Чунки, террористлар Исломнинг талабларини ҳаётга жорий қилиш билан шуғулланмоқдалар.

Агар Сизнинг менга ёзган хатингизни ва менинг жавобимини Жорж Вашингтон ва Томас Жеферсон кабилар ўқисалар, улар яшаётган жаннат жаҳаннамага айланади, чунки, улар Ғарб цивилизацияси ўлимга кетаётганини тушунадилар. Даҳшат! Аммо, мен бундай бўлишини истамайман.

Сизга 2016 йилнинг 1 февралида ёзган хатимда шундай дегандим: “Аминманки, Доналд Трамп ҳақ. У анчагина қўпол гаприаётган бўлса ҳам, америкаликларнинг диққат-эътиборини 21 асрнинг энг катта чақириғи (муаммоси) – Ислом терроризмига қаратишга ҳаракат қилмоқда. Америкаликлар албатта унга қулоқ соладилар. Кейинги қадамда бу муаммони битириш йўлида ишлар қилинади.” Мана кўриб турибсизки, америкаликлар унга қулоқ солдилар ва айнан уни президент этиб сайладилар. Ваҳолангки, сал кам ҳамма америкалик сиёсатчилар ва сал кам ҳамма оммавий ахборот воситалари Ҳиллари Клинтон тарафдори бўлгандилар.

Табиий, мени авваламбор ўз Ўзбекистонимнинг тақдири, бу ерда демократиянинг тақдири қизиқтиради. Аммо, нодунёвий/носекуляр Ислом дини ва демократия бирга яшолмайдилар. Шу сабабли мен Ислом динида фундаментал ислоҳотлар ўтказиб, Ислом дини дунёвийлик/секуляризм принципини қабул қилишига эришиш учун тарихий курашни биринчи бўлиб бошладим.”

* * * * *

Жаноб Обамага ёзган хатимдан кўриниб турибдики, мен Франсуа Олланд, Мануэль Вальс, Жон Керри ва улар каби ўйлайдиганларга қаршиман. Мен “Ислом дини дунёвий/секуляр бўлмагунча, дунёда, жумладан, АҚШда на тинчлик, на демократия, на дин эркинлиги бўлолмайди” сўзларини Обамага ёзган хатимга сарлаҳа қилиб кўтарганман. Бу сўзларни ҳеч ким инкор этолмайди.