Совет замонидаёқ “Ўзбегим” қасидаси билан миллатнинг илк “гимн”ини ёзган Ўзбекистон Халқ шоири Эркин Воҳиднинг ҳайкали Тошкентда ўрнатилади. Бу ҳақда янги сайланган президент Шавкат Мирзиёнинг кеча матбуотда эълон қилинган фармонида айтилади. Маълум бўлишича, шоир ва адиб, таниқли давлат ва жамоат арбоби, Ўзбекистон Қаҳрамони Эркин Воҳид таваллудининг 80 йиллиги мамлакатда кенг нишонланади.

Таъкидлаш керак, ўз даврида илк миллий озодлик ҳаракати намоёндаларидан бири бўлган шоир кейинчалик Оқсарой хизматида бўлди, ўзбек миллатининг аянчили аҳволи билан иши бўлмади, ўзбек тилини давлат тили қилиш, Ўзбекистонни мустақиликка эриштириш учун курашганлар юрт ташқарисида яшашга мажбур бўлаётганларига, ўзбеклар чет элларда мардикорчилик қилаётган подага айланаётганига кўз юмди, аммо умрининг охирда ўзбек миллатининг бош душмани Ислом Каримнинг назаридан ҳам қолди.

Аввалги президент тарафидан чиқитга чиқарилган бу “қаҳрамон”га Шавкат Мирзиёнинг муносабати албатта бизни хурсанд қилади, дейди мухбиримиз. Аммо, бу етарсиз. Авваламбор Шавкат Мирзиё Ўзбек миллатига ҳурматини кўрсатиши керак. Эркин Воҳидга ҳақиқий баҳони ўзбеклар миллат сифатини тиклагандан кейин берадилар.