22 July 2016
02:14 - Туркияда оддий одамларнинг давлат тўнтариши уринишига муносабатини биринчи сўровнома натижаларидан кўринг

“Жумҳурият” газетаси StreetBees номли мустақил тадқиқот марказининг Туркияда 15-чидан 16-чи июлга ўтар кечаси уюштирилган давлат тўнтариши уринишига оддий одамларнинг муносабатини аниқлаш ниятида ўтказилган сўровнома натижаларини эълон қилди. Газетада айтилишича, 15-17 июль кунлари ўтказилган сўровномада 2 минг 832 кишининг фикри ўрганилган. Мана натижалар:

- Сўровномада қатнашганларнинг 47 фоизи давлат тўнтаришига уриниш Фатхудда Гулен тарафидан уюштирилганини айтса, 32 фоизи бу - Ражаб Эрдўғоннинг ўйини эканлигига ишонади. Сўралганларнинг 10 фоизи тўнтаришга уриниш армия тарафидан қилинган деб ўйлайди.

- Сўралганларнинг 82 фоизи ҳарбийлар бошқарадиган тузумга қарши, Эрдўғон ҳокимият бошида қолишини 42 фоиз одам истайди, 58 фоизи Эрдўғоннинг кетишини истайди.

- Эрдўғон тарафдорларининг 92 фоизи, яъни исломчилар, ўлим жазосини тиклаш тарафдори. Эрдўғонга қарши бўлганлар ичида ўлим жазоси тикланишини истайдиганлар 35 фоиз. Умуман олганда, сўралганларнинг 58 фоизи ўлим жазоси тикланишига қарши.

- Эрдўғон таарфдорларининг 60 фоизи шариат қонунлари тикланишини қўллаб-қувватлайди, Эрдўғонга қаршилар ичида шариат тарафдорлари бор-йўғи 5 фоиз экан. Умуман олганда, сўралганларнинг 72 фоизи дунёвийли/секуляризм тарафдори, 28 фоизи шариат тарафдори.