15 July 2016
17:38 - Ангела Маркел нимага Бишкекга келгани маълум бўлди, у Монголияга кетаверишда ҳордиқ чиқарибди, масхарабозлик қилишдан ҳам тортинмабди
Германиядек давлатнинг канцлери расмий ташриф билан қандайдир Қирғизистонга келгани ўта шубҳали бўлгани учун, бу таршрифнинг сабаблари ҳақида турли тахминлар қилишгача борган эдик. Бўлган воқеалар кўрсатдики, бу мавзу аслида хабарга ҳам лойиқ эмас.

Ўтган куни кечқурун Бишкекга келган Ангела Маркел кеча Президент Алмазбек Атамбаев билан ёпиқ эшиклар орқасида қисқа учрашув ўтказди, унинг кетидан бу икки лидер биргаликда матбуот конференцияси ўтказиишда, умумий гаплар гапириш билан чекланишди. Бирон муҳим масала тилга олинмагани, бунинг устига учрашув натижасида бирон ҳужжат ҳам имзоланмагани маълум бўлгач, Маркел нимага Қирғизистонга келди деган савол очиқ қолавериши керак эди. Энг қизиғи, айнан шундай саволни қирғизларнинг расмий давлат хабар агентлиги бўлган “Кабар” ҳам қўйди. У ердаги бечоралар ҳам бу ташрифнинг маъносини тушунишмабди.

Хуллас, Ангела Маркел Бишкекдан қачон ва қандай кетгани ҳақида хабар ҳам берилмади. Аммо, бошқа ахборот воситаларидан, жумладан, русларнинг хабаридан маълум бўлдики, Германия канцлери Монголияда ўтказилаётган “Осиё-Европа” номли қоғоздаги бор бўлган ташкилотнинг саммитига келибди. Демак, маълум бўлдики, Европадаги муаммолардадан сиқилиб кетган Ангела Маркел кўнгил очар сафари қилиб, Қирғизистон орқали Мўғилистонга келган экан.

Шундай бўлса ҳам, унинг Бишкекдаги матбуот конференциясида айтган бир нарса диққатга сазовордир. Ангела Маркел айтишича, у Атамбаев билан ислом экстремизми (қаранг, “терроризм” сўзини ишлатишдан ҳам қочибди) ҳақида ҳам гаплашибди ва қирғизистонлик ислом уламоларини Германияда ўқитишни таклиф қилибди. Яъни, бу сўзларнинг диққатга сазоворлиги, уларнинг масхарабозлик жиҳатидир.
« Олдинги хабар Хабарлар рўйхати Кейинги хабар »