Аввалдан маълум бўлганидек, кеча Буюбританинг Бош вазири Дэвид Кэмерон қиролича Елизаветага II билан учрашиб, истеъфога кетиш истагини билдирди, истеъфо қабул қилинди. Инглиз хабар агентликлари билдиришича, Дэвид Кэмерон қиролича олдидан чиқиб кетишидан 26 секунд ўтгач, у ерга 2 кун аввал Консерватив Партия раиси этиб сайланган Тереза Мэй кирган ва қироличадан янги ҳукумат қуриш ваколатини олган.

Ҳамма билади ва тушунадики, Буюкбританияда қиролича оддий қўғрчоқ, холос. Ҳамма қарорлар сайловларда энг кўп овоз олган ва ҳозир ҳокимиятда бўлган Консерватив Партия ҳамда у асосий роль ўйнайдиган парламентда қабул қилинади. Ҳеч шубҳа йўқки, Консерватив Партия раиси Тереза Мэй Бош вазир бўлади.

Аммо, у ўз вақтида фақат Буюкбританияда эмас, бутун Европада биринчи марта Бош вазир лавозимига ўтирган Маргарет Тэтчер каби “темир леди” бўлоладими? Бу саволга ҳали жавоб йўқ, дейди мухбиримиз. Чунки, сўнги йилларда Ички ишлар вазири лавозимини эгаллаб келган Тереза Мэй ҳеч бир ерда ўзини кўрсатган эмас.

Шуни ҳам тушуниш керакки, Маргарет Тэтчер ёки Ислом Карим “Бирлик” халқ ҳаракатини йўқ қилиш учун Лубянка тарафидан ўзбеклар бошига ўтказилган кунларда, “Бирлик”нинг митингида “Она тилим олган куним тўй қиламан” деб ўз шеърини ўқиган ва ҳозир “Бирлик” Халқ Ҳаракати Партиясининг Бош Котиби, айни замонда, Инсон Ҳуқуқлари “Эзгулик” Жамиятининг раиси бўлган Васила Иноят (расмда) кабиларнинг даражасига ва “темир леди” унвонига етишиш осон эмас. Кўрамиз, бу Тереза Мэй деганлари “Буюкбританияни қайтадан ЕИ аъзоси қилган куним тўй қиламан” деб шеър ўқишга журъат қилолармикан?