АҚШнинг Техас штатидаги Даллас шаҳрида қора танли одам 5 нафар оқ танли полиция офицерини ўлиб ўлдириши ва 7 нафарини ядрадор қилиши билан тугаган воқеани фақат “Ҳаракат” агентлиги террористик акт деб баҳолади. Бу ҳам майли, шунга қарамасдан АҚШнинг бир қатор жойларида асосан қора танлилардан иборат гуруҳлар чоршанба ва сайшанба кунлари Луизиана ва Минисота штатларида оқ танли полициячилар қора танли икки одамни отиб ўлдирганини қоралаб, унчалик катта бўлмаган митинглар ўтказмоқдалар, баъзи жойларда йўлларни тўсиб, автомобилларни тўхтатмоқдалар.

Уларни жума кунги даҳшатли теракт ҳам тўхтатмаганини тушуниш қийин. Агарда оқ танлилар 5 нафар оқ танли полиция ходимининг қора танли тарафидан ўлдирилишига қарши кўчаларга чиқсалар, катта қирғинлар бошланиб кетиши ҳам ҳеч гап эмас-ку!

Табиий, Далласдаги терактлар таъсирида эмас, тасодифан бўлса керак, шанба ва якшанба кунлари дунёда нисбатан тинчлик ҳукм сурмоқда. Бугун Париж яқинидаги "Стад де Франс" стадионида Европа футбол чемпионатининг финал ўйини бўлади. Франция ва Португалия командалари олтин медаль учун курашадилар. Бу икки мамлакат президентлари Франсуа Олланд ва Марселу Ребелу де Соузаи ўйинни стадионда тамоша қилмоқчилар. Ишқилиб, шу ерда бир бало бўлмасин.

Кеча Россия-Туркия алоқалари тузалишга бошлагандан бери биринчи марта сал кам 200 кишилик рус туристлари гуруҳи Туркиянинг Ўртаер денгизи бўйидаги Анталия шаҳрига дам олиш учун келди.

ИШИД жангарилари, Ироқдаги марказлари бўлмиш Мосул шаҳрига расмий давлат қўшинларининг ҳужумини тўхтатиш мақсадида, шаҳар атрофидаги бир қатор нефть қудуқларини ёқиб юбордилар. Ақли бор одам тушунадики, Ироқда ҳам, Сурияда ҳам, ИШИД охир-оқибат йўқ қилиниши муқаррар. Аммо, бу билан жаҳон бўйича тарқалиб бўлган ислом терроризмини ҳеч ким тўхтатолмайди. Далласдаги терактлар террор саҳнасини яна ҳам кенгайтиришга олиб бориши ҳам муқаррардир. Одамзот бу муаммо ҳақида чуқурроқ ўйлаши керак.

2011 йили Судандан мустақил бўлиб чиққан Жанубий Суданда, аниқроғи, президент қароргоҳи олдида, жума куни қандайдир номаълум гуруҳ билан расмий кучлар ўртсаида қонли отишмалар бўлди, аммо, улар шанба ва якшанба кунлари такрорланмади.

Шанба куни Сурияда русларнинг Ми-25 ҳарбий вертолёти уриб туширилди. Унинг иккала учувчиси ҳам ҳалок бўлди. Россия бу воқеа ростдан ҳам юз берганини тан олди. Аммо, бу мамлакатда бир-бири билан урушиб ётган гуруҳлардан қайси бири уни уриб туширгани ҳам маълум эмас.

Туркияда ҳам пичоққа илинадиган воқеа йўқ. Ҳар куни бўлаётгани каби, бугун ҳам курд террористлари бир неча жойда расмий кучларга қарши ҳужумлар уюштирдилар. Ҳаққари вилоятининг туманларидан биридаги ҳужум натижасида 5 турк аскари ҳалок бўлди. Хабарларда айтилишича, курдлар расмий Турк армиясига оид аскарлар ўтадиган йўл бўйига бомбали автомобил қўйганлар ва у автомобилни унинг ёнидан турк аскарларини ташиётган транспорт ўтаётган пайтда портлатганлар.

Туркияда бундай воқеалар ҳар куни бўлмаса ҳам, кун ора бўлиб турибди. Уни аччиқ киноя билан пичоққа илинмайдиган воқеа деб таърифладик. Яна бир ҳақиқат шундан иборатки, ҳар бир шундай ҳужумдан кейин Туркия армияси ўнлаб-юзлаб курд террористларини йўқ қилмоқда. Туркиянинг бошқа йўли ҳам йўқ. Аммо, юз йилдан кейин, курдлар ҳамма нарсани ўзлари бошлаётганларини унутиб ва геноцияда учраганларини иддао қилиб, ҳозир арманилар қилаётгандек, бутун жаҳондан бу қуштирноқ ичидаги геноцидни тан олишни сўраб, дод-фарёд қилсалар керак.

Хуллас, шунақа гаплар. Бу кичкинагина Ерда тинчлик йўқ. Бўладими?