05 July 2016
20:18 - Отатурк аэропортига ҳужум қилган терористлар ичида ўзбек бормиди?

Аввалги хабарларимидан маълумки, Туркияниннг аммавий ахборт воситалари 30 июндаёқ Отатурк аэропортида ўзини-ўзи портлатган жонли бомбаларнинг уччаласи тожикистонликлар эканлиги аниқланганини бидирдилар. Аммо, бир неча соатдан кейин террористларнинг бири ўзбекистонлик, иккинчиси доғистонлик ва учинчиси қирғизистонлик эканлиги аниқлангани ҳақида хабарлар тарқатилди.

Бугун Туркия Президенти Ражаб Эрдўғон бу мамлакатда нишонланаётган Наврўз байрами доирасида Истанбулда учрашувлар ўтказар экан, Отатурк аэропортининг портлатган уч киши доғистонлик, қирғизғистонлик ва тожикистонлик эканлиги аниқланганини айтди.

Тахмин қилиш мумкинки, Эрдўғон байрам кайфи остида Тожикстон билан Ўзбекистонни адаштириб юборган. Аслида, бунинг унчалик аҳамияти йўқ, аммо, тожикистонлик террорист ҳам, қирғизистонлик террорист ҳам, ўзбек эканлигининг эҳтимоллиги жуда катта. Чунки, Қирғизистонда ўзбеклардан бошқа мусулмон йўқ ҳисоб, тожикистонлик мусулмон Туркияга бориб қандайдир терактда иштирок этишига тожикларнинг ўзи ҳам, турклар ҳам ишонмайдилар.

Отатурк аэропортидаги терактларнинг ташкилотчиси ва бошқарувчиси чеченистонлик Аҳмад Чатаев эканлиги ҳақида ҳам гаплар кўп, аммо бу иддаони тасдиқлровчи биронта факт йўқ. Жавҳар Дудаев ва Шамил Басаевлар даврида Туркия чеченларни қўллаб-қувватлагани ҳаммага маълум. Шундай экан, қандайдир чечен ва жиҳодчи Аҳмад Чатаев Истанбулда туркларга қарши терактни бошқарган бўлса, чеченлар ҳам ақлда озганлигини тан олиш керак бўлади.

Хуллас, қаёққа қараманг, ҳаммаёқда миш-миш гаплар. Асл ҳақиқат қачон ўртага чиқади? Мусулмонлар ақл билан яшашага ўрганмагунча, ҳеч қачон чиқмайди.