03 July 2016
18:08 - Ҳақиқий сенсация: Икки бечора президент - Владимр Путин ва Ражаб Эрдўғон - тезроқ қучоқлашиш ҳаракатига тушиб, июль охирида учрашмоқчилар

Туркия ташқи ишлар вазири Meвлут Човушўғлига асосланиб, Туркия ва Россияда тарқатилаётган хабарларга кўра, июль ойининг охири ёки августнинг бошида икки мамлакат президентлари Ражаб Эрдўғон ва Владимир Путин учрашиши ҳақида келишилган эмиш. Ҳар ҳолда шундай бўлса керак.

Аслида, бундай учрашув сенсация бўлмаслиги керак эди. Аммо, ўткан йилнинг охирларида турклар русларнинг Туркия чегараларини бузгани иддао этилаётган ҳарбий учоғини уриб туширгандан кейин, икки мамлакат ўртасидаги муносабатлар совуқ уруш даражасига етиб борган, Россия Туркияга қарши бир қатор санкциялар киритиб, савдо-иқтисодий алоқаларни ҳам сал кам йўққа чиқариш йўлига ўтган эди.

Аммо, 27 июнь куни Туркия президенти кутилмаганда россиялик ҳамкасбига мактуб йўллаб, рус учоғининг уриб туширилиши бўйича очиқча кечирим сўрамаса ҳам, кечирим сўрашга ўхшаган сўз ўйинлари қилгани маълум бўлди. 29 июнда эса, Ражаб Эрдўғон Владимир Путинга телефон ҳам қиди. Афтидан, бу телефон суҳбатида Туркия Президенти кечирим сўрашдан ҳам олға кетиб, тиз чўккан. Чунки, Путин эртасигаёқ икки мамлакат ўртасидаги алоқаларни тиклаш ҳақида гапиришга бошлаб, бир неча кун ичида бу йўналишда амалий ишлар ҳам қилишга бошлаганини бошқача изоҳлаш мумкин эмас.

“Ҳаракат” Агентлиги Эрлўғоннинг умуман тўғри, аммо шошма-шошарлик билан қилаётган ва хатога айланиб кетаётган қадамлари натижасида Марказий Осиё давлатлари ва Озорбайжоннинг Россия олдидаги вассалик даражалари ортишини айтганди. Яъни, икки президен ўртасидаги бу шакладги ўзгаришлар Турк Дунёси учун салбий натижаларга олиб борадиган йўл эканлигини ҳаммадан олдин биз тушунгандик.

Путин-Эрдўғон учрашувининг тезлашиши сенсация эканлигинининг сабабларида яна бири – бу икки лидер шу йил сентябрь ойининг бошларида Хитойда бўладиган G20 саммити пайтида алоҳида учрашув ҳақида келишганлари 30 июндаёқ айтилган эди. Мана 3-4 кун ўтмасдан, Путин ва Эрдўғон G20 саммитини кутмасданоқ учрашишга келишибдилар.

Ҳақиқий сенсация!!

Расмда - Икки президентнинг аввалги учрашувларидан бири.