01 July 2016
16:21 - Европа Иттифоқи Россияга қарши киритилган санкцияларни 2017 йилнинг 31 январигача узайтирди

Фақат Европа Иттифоқига кирувчи давлатлар раҳбарларидан иборат бўлган Европа Кенгаши (European Council; ҳамма Европа мамлакатларини бирлаштирувчи ташкилотнинг органи бўлган бошқа Европа Кенгаши - Council of Europe билан адаштирманг) бугунги мажлисида Россияга 2014 йили ўртасида киритилан санкцияларни 2017 йил 31 январигача чўзиш қарори олди. Қримга қарши санкцияларни яқинда 1 йилга чўзган бу ташкилот, Россияга қарши санкцияларни ярим йилга чўзганининг ўзи – санкциялар масласида бу ташкилоти ичида келишмовчиликлар кўплигининг кўрсатгичларидан биридир.

Туркия билан алоқаларни ўта хурсандлик билан тиклаш йўлига ўтган Владимир Путин ЕИнинг санкциялари ярим йилга чўзилганидан ҳам қувонса керак.

Европа Кенгашининг расмий сайтида (consilium.europa.eu) эълон қилинган қисқа баёнтда, жумладан, шундай дейилади: “Россия Минск шартномаларини 2015 йил 31 декабргача тўла бажармагани сабабли, санкциялар 2016 июлнинг 31 июлигача чўзилган эди. Минск келишувларининг бажарилиш жараёнларини қайта баҳолаб, санкциялар муддатини яна 6 ойга узатдик.”

Кўриниб турибдики, санкцияларнинг Россия учун катта салбий таъсирига қарамасдан, Россия Қрим ва Донбасс масаласида орқага чекинмоқчи ва Минск шартномаларини бажармоқчи эмас. Санкциялар узоқ муддат давом этса, уларнинг таъсири остида СССР каби Россия ҳам парчаланиши аниқ. Аммо, ички муаммолар ичида қолган ЕИ санкцияларни узоқ вақт тутиб туришга қодирми? Ҳозирча, бу саволнинг жавоби йўқ. Путинни айнан шу нарса рағбатлантираётгани эса аниқ.