30 June 2016
02:41 - Нью-Йорк фондлар биржаси ҳам “Ҳаракат”га қулоқ солсайди, Brexit натижасида бунчалик алғов-далғов бўлмасди
24 июнда Буюбританияда ўтказилган Европа Иттифоқидан чиқиш-чиқмаслик ҳақидаги Brexit (Brexit ибораси "British exit" сўзларининг қисқартмаси бўлиб, “Британиянинг чиқиши”, аслида, Британиянинг ЕИдан чиқиши демакдир) номи билан танилган референдум натижалари бутун дунёдаги фонд бозорларини алғов-далғов қилиб юборгани “Ҳаракат” тарафидан хабар қилинар экан, бу алғов-далғов жараёнлари тезда ўтиб кетиши ҳам башорат қилинган эди.

Ҳозир айнан шундай бўлмоқда. Дунёча машҳур Reuters Агентлиги кеча кечқурун Нью-Йорк фондлар биржасининг бекилишдаги ҳолатини “Нью-Йорк биржаси Brexit битгач, икки кундан кейин ўзини тикламоқда” деб хабар қилди.

Британиядаги ўтган жума куни (24 июнда) бўлиб ўтган референдум натижалари маълум бўлгач, Нью-Йорк фондлар биржасининг асосий кўрсатгичи бўлмиш Dow Jones индекси ўша жума куни ва икки кунлик дам олишдан кейинги душанба кунлари 18100 дан тахминан 900 поғанага тушиб кетиб, 17200 дан ҳам пастроқда тўхтаганди.

Аммо, сешанба ва чоршанба кунлари Dow Jones индекси ўзини тиклашга бошлади ва кеча кечқурун биржа бекилганда 17695 га тенг бўлди. Яъни жума ва душанба кунларидаги тушишнинг ярмидан кўпроғи сешанба ва чоршанба кунлари қопланиб бўлди.

Бу шуни кўрсатмоқдаки, АҚШдек давлатнинг иқтисодий аҳволини кўрсатувчи, унинг молиявий аҳволини белгилашда муҳим роль ўйновчи Dow Jones индексининг керагидан ортиқча ҳиссиётлиги салбий роль ўйнамоқда. Буни тузатиш керак.

Нью-Йорк фондлар биржаси эртами-кеч бизнинг бу таклифимизни қабул қилиб, ўз ичида жиддий ислоҳотлар қилишга мажбур бўлиши шубҳасиздир. Чунки, бошқа йўл йўқ.
« Олдинги хабар Хабарлар рўйхати Кейинги хабар »