АҚШнинг энг обрўли The Wall Street Journal газетаси ўз манбаларига асосланиб хабар беришича, Давлат Департаментининг 51 ходими Президент Барак Обаманинг Сурия сиёсатига қарши ички ҳужжат имзолабди ва Башар Асад режимига қарши ҳарбий операция ўтказиб, уни ағдаришга чақрибди. Ҳужжатни имзолаганларга кўра, уларнинг ичида муҳим лавозимларда ишлайдиганлар ҳам бор экан, мавжуд режимни ағдармасдан Ислом Давлатини (яъни, ИШИДни – “Ҳаракат”) енгиб бўлмайди.

АҚШдаги вазирликлар, хусусан, Давлат Департаментида бу каби ҳужжатнинг имзоланиши оддий воқеами ёки сенсациями, билмадик, дейди мухбиримиз. Шундай бўлса ҳам хабаримизга сенсация деб сарлавҳа қўйдик.

Нима бўлгандан ҳам, бу - энг камида - жуда қизиқ воқеадир. Тахмин қилиш мумкинки, ҳужжатни имзолганларни ИШИДддан ҳам кўпроқ Россияни Яқин Шарқдан улоқтириш масаласи қизиқтирмоқда. Биз аввалари ҳам кўп марта такрорлаганимиздек, Россия ва Эрон биргаликда Башар Асад режимини сақалаб қолиши, бу икки мамлакатнинг Яқин Шарқда ҳукмронлигини ўрнатиш йўлидаги ҳал қилувчи қадам бўлади. Кўринишидан, АҚШ бундай вариантга кўникиб бўлди ҳам деб ҳисоблаган эдик.

Бу ҳужжатни имзолаган Давлат Департаментининг ходимлари тўғри талаб қўйганларини тан олиш керак. Демак, келажакда, айнан Давлат Департементи Ислом динини ўз ичида фундаментал ислоҳотлар бошлашга ва дунёвийлик/секуляризм принципини тан олишга мажбурлайдиган қадамлар қилиш ташаббуси билан чиқишини кутиш мумкин экан.