16 June 2016
20:26 - Воронежда фоҳишахона ташкил қилган юртдошимизга чора кўрилди
Россия Федерациясининг Воронеж шаҳар Коминтеровский райони суди томонидан 34 яшар ҳамюртимиз қўшмачилик ва фоҳишахона ташкил қилишда айбдор, деб топилиб, 8 ойлик ахлоқ тузатиш ишларига сафарбар қилинди. Суд ҳукмига кўра, ўзбекистонлик аëл Воронежда ижарага олган квартирасини фоҳишахонага айлантирган. У асосан Ўзбекистон ва Тожикистондан иш излаб келган ëш аëлларни яхши ҳақ тўланадиган ва турар-жой билан таъминлайдиган иш таклифи билан фоҳишаликка мажбурлаган.

Албатта, аввал ҳам таъкидлаганимиздек, мазкур жиноятнинг илдизлари Ўзбекистонда. Токи мамлакатда ишсизлик, қашшоқлик давом этаркан, миллатдошларимиз ўзга юртларда тирикчиликнинг минг бир йўлига кирадилар. Шу тариқа миллат сифатини йўқотиб бораверамиз, дейди мухбиримиз.
« Олдинги хабар Хабарлар рўйхати Кейинги хабар »