14 June 2016
23:26 - Туркиянинг аянчли аҳволи: Бугун Президент Ражаб Эрдўғон аскарлар билан ифтор қилди
Шу кунларда Туркия Президенти Ражаб Эрдўғон ҳар куни қандайдир ташкилот тарафидан уюштирлаётган ифторда қатнашаётгани оммавий ахборот воситаларида хабар қилинмоқда. Туркия ўз Конституциясига кўра, дунёвий давлатдир. Дунёвий давлатда диний маросимлар ўтказилиши тақиқланмайди, аммо давлат раҳбарининг ифтори расмий давлат маросимларидан бирига айланиши конституцияга зиддир.

Бугун Ражаб Эрдўғон ва Туркия қуролли кучлари Бош штабининг бошлиғи Ҳулуси Сайин Ироқ билан чегарадош бўлган Мардин вилоятининг маркази Мардин шаҳрида аскарларнинг ифторига қатнашибдилар. Агарда бу ифтор аскарлар ичида оммавий бўлмасдан, фақат Ражаб Эрдўғон учунгина уюштирилган бўлса, бу диний масхарабозликдан бошқа нарса ҳисобланмасди. Агар, Туркиянинг ҳамма аскарлари ҳар кун 5 маҳал намоз қилиб, Рамазон ойида ҳар куни рўза тутиб, ифтор қилаётган бўлсалар, ўз Конституциясига тупураётган Туркиянинг келажаги барбод бўлишини тахмин қилиш қийин эмас.

Туркия маркази бўлган ва Халифалик ҳисобланадиган Усмонли Императорлигида ҳам аскарлар ҳар куни 5 маҳал намоз ўқиб, Рамазон ойида рўза тутишган бўлса, бу императорликнинг ҳозирги Туркия ҳудудларидан бошқа ҳамма қисмлари қадамма-қадам Ғарб давлатлари тарафидан босиб олинишининг сабабини тушуниш мумкин. 20 асрнинг 20 йиллари Истанбул ҳам Антанта кучлари тарафидан босиб олингани ҳам табиий ҳол бўлган экан. Улуғ Отатурк Атлантани мағлубиятга учратиб, Туркиянинг мустақиллигини сақлаб қолгани ва ичида биттагина Туркия қолган Халифаликни бекор қилгани қанчалик улуғ иш бўлганини тушунмаётган исломчилар Туркияни яна ҳалокат йўлига солмоқдалар.

Бечора Турк Дунёси!!!

Расмда Мардин шаҳрининг кўринишларидан бири.
« Олдинги хабар Хабарлар рўйхати Кейинги хабар »