13 June 2016
23:04 - Орландо теракти қаҳрамонининг собиқ рафиқаси ўзбекистонлик экан
The Guardian нашрининг ёзишича, АҚШнинг Флорида штатидаги оммавий қотилликда айбланаётган Омар Матиннинг собиқ хотини ўзбекистонлик Ситора Юсуфий экан. Хотиннинг таъкидича, Матиннинг соғлиғида руҳий жиҳатдан жиддий муаммолар бўлган. У собиқ эрининг ёвуз хулқ-атвори ва беқарор руҳий ҳолати ҳақида сўзлаб берибди.

Ситора 2009 йилда Умар Мартин билан интернет орқали танишиб, турмушга чиққан. Флоридага кўчиб ўтиб, Матинлар оиласига тегишли Форт-Пирсдаги уйда яшаган. Бироқ бир неча ойдан сўнг Ситоранинг ота-онаси қизининг калтакланаётганидан хабар топиб, уни бу ердан олиб кетган.