12 June 2016
06:02 - АҚШнинг президентлик пойгасида Ҳиллари Клинтон ҳозирча Доналд Трампдан олдинда кетмоқда

Аслида Демократик ва Республикачилар партияларининг президентликка номзодлари бу партияларнинг июль ойида бўладиган қурултойларида белгиланади. Аммо, аввалги хабарларимзда айтилганидек, Демократик Партиянинг номзоди Ҳиллари Клинтон, Республикачилар Партиясининг номзоди Доналд Трамп бўлиши аниқ бўлди. Демак, президентлик пойгаси шу икки номзод иштирокида бўлади.

Reuters Агентлигининг хабарига кўра, шу ҳафтанинг душанба-жума кунлари ичида ўтказилган онлайн сўровнома натижалари ҳозирча пойгада Ҳиллари Клинтон олдинда кетаётганини кўрсатибди.

Сўралганларнинг 46 фоизи агар сайлов бугун бўлса Клинтонга, 34,8 фоизи Трампга овоз бермоқчи экан. Яна 19,2 фоиз сайловчи бу икки номзодга ҳам овоз бермоқчи эмас.

Демак, дейди мухбиримиз, 8 ноябрда бўладиган президент сайловлари олдидан иккала номзод ҳам жиддий кураш ичида бўладилар. Айниқса, ҳали аниқ фикрга келмаган 19,2 фоиз сайловчининг иложи борича катта қисмини ўз тарафига тортиб олиш иккала номзоднинг ҳам асосий мақсади бўлиб қолади.

Агар, дейди бу ҳақда ҳозир АҚШда яшаётган “Бирлик” Партияси лидери Абдураҳим Пўлат, Доналд Трампнинг агитаторлари унинг анчагина қўпол равишда, яъни менинг таърифимча, шок терапияси усулида айтилаётган сўзларини сайловчиларга тўғри ва чиройли қилиб тушунтиролсалар, тез орада бу пойгада Доналд Трамп олдинга чиқиб олади. Мен бугун Виргиния штатида Доналд Трамп тарафдорларининг бир йиғилишига бориб, ўзимни танитиб ўтирмасдан, юқорида айтилган фикрларимни айтдим. Қизиқиш катта бўлса, ҳатто чапак чалганлар бўлди. Аммо, бу етарсиз. Доналд Трампнинг командасини ўзи бу йўналишда жиддий ишлар қилиши керак.