03 June 2016
07:35 - Германия парламентининг туркларни қатлиомда айбловчи баёнотига Турк Дунёсидан биринчи жавоб – Озорбайжон бу баёнотни қоралади
Кеча Германиянинг парламенти Бундестаг 1915 йили Туркияда арманилар қатлиом қилинган ҳақида ҳуқуқий кучи бўлмаган қарор, тўғрироғи баёнотни тасдиқлагач, табиий, биринчи реакция Туркия тарафидан келди. Бу ҳақда хабар берар экан, Турк Дунёси бу масалада Туркия билан бирга бўлиши кераклигини, аммо Турк Дунёсининг диктаторлари ҳозир овозларини ҳам чиқаришдан қўрқишларини тахмин қилган эдик.

Тахминимиз унчалик тўғри бўлиб чиқмаганидан хурсандмиз, дейди мухбиримиз. Озорбайжон, кечаёқ бу воқеага ўз муносабатини билдирибди.

Озорбайжон ташқи ишлар вазрлигининг расмий вакили Ҳикмат Гажиев шундай дебди: “Германия парламентининг “арманилар геноциди” ҳақидаги қарори бир тарафлама ва объектив эмас. Тарихни сохталаштиришга ҳаракат қилиш ва бундан сиёсий мақсадларда фойдаланишни қабул қилиб бўлмайди. Германия парламенти, бир тарафдан, арманилар Озорбайжон ҳудудларини босиб олгани, у ерда миллий тозалашлар қилаётгани, 1 миллион одам ўзи яшаётган ерлардан ҳайдаб чиқарилгани билан иши йўқ, аммо иккинчи тарафдан, 101 йил аввал бўлган гўёки “арманилар қатлиоми” ҳақида қарор чиқарганига қаранг.”

Қани кўрамиз, дейди мухбиримиз, Турк Дунёсининг бошқа давлатлари, хусусан, Ўзбекистондаги режим бу масалага ўз муносабатини кўрсатадими?
« Олдинги хабар Хабарлар рўйхати Кейинги хабар »