02 June 2016
19:38 - Германия парламенти турклар арманиларни қирғин (геноцид) қилганини тан олувчи ҳуқуқий кучи бўлмаган қарор чиқарди. Турк Дунёси нима дейди?
Германиянинг парламенти Бундестаг бугун, яъни 2 июнь куни 1915 йили Туркияда арманилар қирғин қилингани ҳақида қандайдир қарор чиқармоқчи эканлиги анчадан бери айтиб келинарди. “Ҳаракат” атайлаб бу масалага эътибор бермасдан, бугунги қарорни кутди.

Туркия ахборот воситаларининг хабарида айтилишича, бугун Бундестаг мутлақо кўпчилик овоз билан (мажлисда иштирок этганлардан фақат бир депутат қарши, бир депутат тарафсиз қолибди) 1915 йил воқеаларини турклар тарафидан арманиларнинг қирғин қилинишидир, деган маънода қарор чиқарибди. Германия Канцлери Ангела Маркел ва Ташқи ишлар вазири Франк-Валтер Штенмайер қандайдир баҳона кўрсатиб, бугунги мажлисда қатнашмабдилар.

Бундестагнинг бу қарори ҳуқуқий кучга эмас. Немис депутатларининг мақсади арманилар тарафида эканликларини кўрсатиш ва арманиларни маънавий қўллаб-қувватлаш бўлган, холос. Ваҳолангки, ўша урушда Туркия айнан Германия билан иттифоқчи бўлган эди. Шу сабабли, Бундестагнинг бугунги қарорида Германия ўша пайтда арманиларнинг тақдирига кўз юмиб, тўғри иш қилмагани ҳам номигагина айтиб ўтилади.

Эслатиб ўтамиз, Туркия асосан Россия, Англия ва Франциядан иборат бўлган Антанта блоки билан уруш олиб бораётган пайтда, Туркия ичида яшаётган арманилар 2015 йили Антанта тарафдори бўлиб, аммо Туркиянинг ичида туриб, Туркияни орқасидан пичоқлашга бошлаганлар. Яъни, Антанта тарафдори сифатиа Туркияга қарши урушга кирганлар. Табиий, Туркия ўз ичидан чиққан душманларни, тўғрироғи, ўзига қарши урушга кирганларни йўқ қилиши керак эди ва йўқ қилган. Уруш – урушдир, урушни ҳеч ким оқламоқчи эмас, аммо ичидан чиққан душманларга қарши урушни қатағон (геноцид) деб аташ мантиқсизликдан бошқа нарса эмас.

Германия Бундестаги бугун шундай мантиқсиз ҳаракатни қилди. Туркия дарҳол Германиядан ўз элчисини чақириб олди. Туркия Президенти Ражаб Эрдўғон Бундестагнинг бу қарорини қоралади ва бу қарор Туркия-Германия алоқаларига жиддий шаклда таъсир қилишини гапирди.

Туркия Буюк Миллат Мажлисидаги уч партия – ҳокимиятдаги Адолат ва Тараққиёт Партияси, мухолифатдаги Жумҳурият Халқ Партияси ва Миллиётчи Ҳаракат Партияси қўшма баёнот эълон қилиб, Германия Бундестагининг қарорини қоралади. Уларга, бирга ҳаракат қилганлари учун, офарин дейиш керак.

Курд депутатлар бу баёнот қабул қилинаётганда мажлис залига кирмаганлар. Аслида, ҳозир айнан курдлар Туркиянинг орқасилан пичоқ уруш ҳаракатидилар, феъланТуркияга қарши уруш қилмоқдалар. Ҳозир 2015 йил, уларга 100 аввалги воқеалар дарс бўлмаётганга ўхшайди. Улар юз йилдан кейин қирғин қилингаларини айтиб дод-вой қилиб юрмайдиларми?

Аслида, бутун Турк Дунёси бу масалада Туркия билан бирга бўлиши керак. Аммо, Ғарб кўзини юмиб, арманилар тарафида туришидан қўрққан Турк Дунёсининг диктаторлари ҳозир овозларини чиқармасалар керак.

Яна шуни ҳам унутмаслик керакки, Германия ҳозир, яъни 21 асрда Ислом Карим режими, яъни Ғарб тарафидан жаҳоннинг энг ёмон диктаторликларидан бири сифатида тан олинган режим билан оғиз-бурун ўпишиб ётибди, 100 йил аввалги урушга бўлган муносабатда эса, ўзини гўёки инсопарвар қилиб кўрсатишга ҳаракат қилмоқда.