31 May 2016
15:31 - Халқаро ташкилот “Ҳаракат”дан ҳам олдинга кетди ва Россияда ишлаётган ўзбекларни мардикор эмас, қул деди
“Маълумки, “Ҳаракат” Агентлиги ўз хабарларида Россияда ишлаётган юз минглаб ўзбекларни мардикор деб айтайди. Бу нарса кимларгадир ўзбекларни каситиш ва ҳатто ҳақоратлашдек бўлиб кўриниши мумкин. Аммо, бу ҳақиқатни ҳеч ким инкор этолмади. Бундан ташқари, биз ўзбек мардикорларининг ҳуқуқий ва ижтимоий ҳимояланмаганларини айтиб келамиз ва шу билан уларнинг мақоми қулларга яқинлигига ишорат қиламиз.

Халқаро ташкилот - The Walk Free Foundation (Эркин Юр Фонди) дунёнинг 167 мамлакатида “замонавий қуллик” деса бўладиган шаклда яшаётган одамларни ҳисоблаб, Глобал Қуллик Индекси рўйхатини тузганини ўз сайтида эълон қилди. Мана ўша сайтнинг адреси – http://www.globalslaveryindex.org.

Бу ташкилотга кўра, дунёда ҳозир 45,5 миллион одам замонавий қулликда яшамоқда. Россия бу рўйхатда 26-чи ўринда. Бу ерда 1 млн 48 минг 500 қул бор экан. Бу ташкилотнинг ҳисоботида айтилмаса ҳам, тахмин қилиш қийин эмаски, Россиядаги 1 миллондан ортиқ қулларнинг катта қисми – биз айтаётган ўзбек мардикорлардир. Бунинг устига, Ўзбекистоннинг ўзи ҳам қулларга бой 5 та мамалкатнинг бири деб ҳисобланибди. Мана ўша 5 мамлакат – Шимолий Корея, Ўзбекистон, Камбоджа, Ҳиндистон ва Қатар. Ўзбекистонда одамларнинг мажбурлаб пахта теримида ишлатиш - замонавий қулликка тенглаштирилган.

Қуллар сони энг кам бўлган мамлакатлар эса қуйидагилар деб топилибди - Люксембург, Ирландия, Дания, Швейцария, Австрия, Швеция, Бельгия АҚШ, Канада, Австралия ва Янги Зеландия.

Индекс глобального рабства представляет собой рейтинг из 167 стран по количеству людей, которые находятся в некой форме современного рабства.